Azərbaycan Alpinizm Federasiyasının rəhbəri Gənclər Komissiyasının prezidenti seçilib

Bu həftə Amsterdamda Beynəlxalq Alpinizm və Qayaya Dırmanma Federasiyasına  (UIAA) daxil olan alpinizm təşkilatlarının rəhbər və səlahiyyətli nümayəndələrinin toplantısı keçirilib. Hazırda UIAA 80 iştirakçı ölkəni əhatə edir.

Baş Assambleyada UIAA-ya  yeni prezident seçkisi keçirilib. Belə ki, Mayk Mortimer hələ ötən il istefa verib. Üç il ərzində prezidentin səlahiyyətlərini İdarə Heyətinin üzvü və İspaniya Alpinizm Federasiyasının nümayəndəsi, 75 yaşlı Corci Kolomer icra edib.  O və 

hollandiyalı Frits Vriclandt UIAA prezidenti postuna namizədliklərini irəli sürüblər. Gizli səsvermə zamanı 5 səs üstünlüyü ilə 

(18/24) Vriclandt qalib gəlib. Assambleyada digər mühüm hadisə baş verib: UIAA Gənclər Komissiyasına Anna Arranın yerinə Azərbaycan Alpinizm  Federasiyasının prezidenti İsrafil Aşurlu seçilib. UIAA Gənclər Komissiyası əsas strukturlardan biridir və alpinizmin, qayalara dırmanmanın populyarlaşmasına və inkişafına, gənclər arasında fəal həyat tərzinə cavabdehdir. Komissiya ARISF və Beynəlxalq Olimpiya Komitəsi ilə sıx əməkdaşlıq edir.

“Mən göstərilən etimada görə minnətdarlığımı bildirirəm və bu təyinatdan alpinizmin bütün dünyada populyarlaşması işində istifadə etməyə çalışacam. Bu, azərbaycanlı alpinistlər üçün böyük şərəfdir və mən əminəm ki, bizim alpinistlər yaxın zamanlarda yüksək dərəcədə olduqlarını təsdiqləyəcəklər”, - İ.Aşurlu Turan-a bildirib.02B-