Bakı Təcili və Təxirəsalınmaz Yardım Stansiyasından
Bakının Nizami rayonundakı 109 saylı məktəbdə partlayışın baş verməsi barədə məlumatı təsdiqləməyiblər. Stansiyaya şagirdlərin kütləvi zəhərlənməsi ilə bağlı çağırış daxil olub və hadisə yerinə təcili yardım briqadası göndərilib. Həkimlər özünü pis hiss edən 15-ə yaxın uşağı müayinə ediblər. Lakin onların çoxu çaxnaşmadan stress keçirib. Bu barədə Turan-a Təcili yardım həkimləri bildiriblər.
Eyni zamanda mənşəyi məlum olmayan qazdan zəhərlənən iki məktəbli qız Şəhər Kliniki Mərkəzinə aparılıb. Zərərçəkənlər toksikoloji şöbədə yerləşdirilib.
“Qızlardan biri yüngül zəhərlənib, ikincinin vəziyyəti orta ağırlıq kimi xarakterizə olunur. Həkimlər zəhərlənmənin səbəbini hələ müəyyən etməyiblər. Yekun rəyi Toksikoloji Mərkəzin mütəxəssisləri verəcəklər”, - Şəhər Kliniki Mərkəzinin toksikoloji şöbəsinin nümayəndəsi bildirib.
Onun sözlərinə görə, zərərçəkənlərdə dəm qazı ilə zəhərlənmə əlamətləri yoxdur. Xəstələrin həyatına təhlükə yoxdur. Mənbə bildirib ki, onlardan biri yəqin ki, bu gün evə buraxılacaq.—06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz