Azərbaycan ərazisindən 3 ton heroini keçirən narkoticarətçinin adı açıqlanıb
Tbilisi məhkəməsi çoxtonluq maye heroinin daşınmasında təqsirli bilinən Türkiyə vətəndaşının barəsində qiyabi hökm çıxarıb. Narkotik maddə yük maşınında yerləşdirilmiş 93 çəlləkdə olub.
Axtarışda olan Türkiyə vətəndaşı Bayram Coşkun ömürlük həbs cəzasına məhkum edilib. “Novosti-Qruziya” xəbər verib.
Eyni zamanda onun tərəfdaşları – Gürcüstan vətəndaşı Yevgeni Qorqadze və Türkiyə vətəndaşı Şefik Semizoğlu bəraət alıblar.
Cinayət materiallarından məlum olub ki, 2014-cü il iyulun 12-də gürcü polislər yük maşınına baxış zamanı hər biri 30 litrlik 93 çəllək aşkar ediblər. Onların içində maye heroin olub. Çəkisi 2,79 ton təşkil edən yükün dəyəri 93 milyon ABŞ dolları təşkil edib.
Narkotik vasitənin olduğu avtomobil İran, Azərbaycan, Türkiyə və Gürcüstan vasitəsilə Moldovaya gedirmiş. Sənədlərdə maşında maye sabunun olduğu göstərilib.
Gürcüstan hakimiyyəti iki həftədən sonra bildirmişdi ki, heroin “Taliban” hərəkatına məxsus olub.
Təhqiqata başqa ölkələrin də hüquq-mühafizə orqanları qoşulub. Azərbaycan ərazisindən qanunsuz tranzit üzrə iş nəzarətə götürüb.
2014-cü ilin oktyabrında prokurorluq cinayət işinə xətm verərək yük maşınının sürücüsü Quram Sesxladzeni azad edib.
Müəyyən edilib ki, yükün sifarişçisi Bayram Coşkundur.
“İstintaq sübut edib ki, naməlum şəxslər Quram Sesxladzenin maşınından istifadə etmək üçün pulla onu tutublar”, - sürücünün vəkili Emzar Paksadze bildirib.
Xatırladaq ki, öncə Azərbaycan hakimiyyəti yükün ölkə ərazisindən keçirildiyini inkar edirdi.-02D-
-
- Cəmiyyət
- 17 Mart 2015 11:53
-
- İqtisadiyyat
- 17 Mart 2015 12:21
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz