Fevralda istehlak bazarında mal və xidmət qiymətləri yanvara nisbətən 4% bahalanıb. İllik hesablamada yanvar-fevralda inflyasiya 2% olub, deyə Dövlətstatkom bildirir.
Hökumət mal və xidmət qiymətlərinin artımını etiraf etməsə də, manatın devalvasiyası istehlak bazarına ciddi təsir edib. Rəsmi statistika da bunu gizlətmir. DSK-ya görə, ərzaq fevralda 6,6%, illik hesablamada 2,5% bahalanıb. Fevralda çörək məhsulları və yarmalar 9,2%, yağ və piy 13,1%, meyvələr 5,4%, tərəvəz 6,4%, qənd və qənnadı məmulatları 5,7%, çay, kofe, kakao 8,8%, siqaret 44,5% bahalanıb.
Qeyri-ərzaq malları fevralda 3,1% bahalanıb. İllik hesablamada (2014-cü ilin yanvar-fevralı) qeyri-ərzaq mallarında 1,7% qiymət artımı olub. Ötən ay tikinti materialları yanvardakından 7,1% baha olub. Məişət malları (+33,5%), elektrik cihazları (+25,8%), optik cihazlar (+23,9%), kompüter, noutbuk və planeştlər (27,5%) xeyli bahalanıb.
Fevralda əhaliyə pullu xidmətlərdə 1,2% (illik hesablamada 1,4%) qiymət artımı olub. Hava nəqliyyatı (+21,9%) və dəniz nəqliyyatında (+37,3%) sərnişin daşınması qiymətləri daha çox artıb. 08D
İqtisadiyyat
-
Azərbaycanın dövlət enerji şirkəti "Azərenerji", SOCAR Trading və İtaliyanın Ansaldo Energia şirkəti karbon kreditləri üzrə üçtərəfli razılaşma imzalayıblar, çümə günü "Azərenerji" məlumat verib.
-
SOCAR-UNIPER birgə müəssisəsi COP 29 tədbirləri çərçivəsində cümə günü "Etilen-Polietilen" zavodunda 65 MVt gücündə buxar generatorunu istifadəyə verdi. Layihə enerji səmərəliliyinin artırılmasına yönəlib və Azərbaycanın kimya sənayesində SOCAR və UNIPER-in birgə səylərinin əhəmiyyətli bir mərhələsidir.
-
Fransanın enerji nəhəngi TotalEnergies Azərbaycan Respublikasının Naxçıvan Muxtar Respublikasında günəş və külək elektrik stansiyaları layihələrində iştirak etməyi nəzərdən keçirir. Bu imkan 15 noyabrda Bakıda TotalEnergies şirkətinin baş direktoru Patrik Puyannenin Azərbaycan hökumət nümayəndələri ilə apardığı danışıqlarda müzakirə edilib.
-
Azərbaycan Energetika Nazirliyi, China Energy Overseas Investment Co. Ltd. və SOCAR Green MMC Fizuli rayonunda 160 meqavatlıq günəş enerjisi layihəsinin həyata keçirilməsi üçün müqavilə imzalayıb. Bu barədə İqtisadiyyat Naziri Mikayıl Cabbarov çərşənbə günü sosial şəbəkələrdə məlumat verib.
Rəy yaz