![Azərbaycan idmançısı Olimpiadada bürünc medal qazandı](https://turan.az/resized/750/500/resize/media/2012/main/080900007294.jpg)
Azərbaycan idmançısı Olimpiadada bürünc medal qazandı
Belarus əsilli Azərbaycan idmançısı Yuliya Ratkeviç Londonda Olimpiya oyunlarında qadın güləşi üzrə (55 kq) bürünc medal qazanıb. Bu medal uğrunda həlledici güləşdə o, Rusiya nümayəndəsi Valeri Jolobova üzərində 2:0 (6:0, 2:1) hesabı ilə qələbə qazanıb. Ratkeviç 1/8 finalda Yunanıstanlı Mariya Prevolaraknı 2:0 (2:0, 1:0) məğlub edib. Dörddə bir finalda Ratkeviç ikiqat Olimpiya çempionu, yapon Saori Yoşideyə 2:0 (1:0, 2:0) məğlub olub. Lakin yapon olimpiyaçının finala çıxması Ratkeviçə bürünc uğrunda təsəlliverici görüşlərdə çıxışı davam etdirmək imkanı verib. İlk təsəlliverici güləşdə Ratkeviç Amerikalı Kelsi Kembelə 2:0 (4:0, 1:0) qalib gəlib və növbəti rəqibi Jolobova olub. Beləliklə, Ratkeviç Azərbaycana beşinci medalı gətirib. Bundan əvvəl Mariya Stadnik qadın güləşində (48 kq) gümüş medal qazanıb.
Bundan başqa, Yunan-roma güləşi üzrə oyunlarda daha iki Azərbaycan idmançısı - Rövşən Bayramov (55 kq) gümüş, Emin Əhmədov isə (74 kq) bürünc medal qazanıb.
Ağır atletika üzrə yarışlarda Azərbaycan yığmasının tərkibində ilk dəfə çıxış edən 18 yaşlı bolqar Valentin Xristov (56 kq) da bürünc medal qazanıb. Azərbaycandan yarımfinala çıxan və qızıl medal uğrunda mübarizə şansı olan iki boksçu – Teymur Məmmədov (91 kq) və Məhəmmədrəsul Məcidov (91 kq. artıq) da ölkəni daha iki medalla təmin edib. -06D-
-
- Cəmiyyət
- 9 Avqust 2012 19:28
-
- Bazarların icmalı
- 10 Avqust 2012 06:21
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz