Aprelin 22-də Beynəlxalq Ana Torpaq Günündə Nyu-Yorkda yeni iqlim müqaviləsi – Paris sazişinin rəsmi imzalanması mərasimi olacaq.
Bu günün beynəlxalq sazişi imzalayan bir sıra ölkələrin tarixinə daxil olacağı gözlənilir. Tədbirdə 155-dən çox ölkənin liderləri və nümayəndələrinin iştirakı planlaşdırılır.
Paris sazişini imzalayan ölkələr qlobal temperaturun 1,5-2С-dən çox artmasına yol verməmək barədə öhdəliklər götürürlər.
Saziş bir sıra mürəkkəb siyasi və iqtisadi qərarların qəbulunu nəzərdə tutur, həmçinin 2025-ci ilədək ən azı $100 mlrd. səfərbər etməyi qarşısına vəzifə qoyur.
İqlimin qorunması üzrə tədbirlər iqtisadi artımın sürətləndirilməsinə, yerli innovasiya texnologiyalarının inkişafına, enerji resurslarından asılılığın azaldılmasına, əhalinin istilik xərclərinin azaldılmasına və iş yerlərinin artmasına gətirib çıxaracaq.
İlk növbədə bu, iqtisadiyyatın bütün sahələrində enerji effektivliyi və enerji qənaətinə, enerji təhlükəsizlyinin artırılması məqsədilə tədricən bərpa olunan enerjiyə keçilməsinə aiddir.
Azərbaycan Paris sazişini imzalamağa hazır olduğunu bəyan edən ölkələr sırasındadır. Müqaviləyə qoşulmaq qarşıya qoyulan məqsədlərin reallaşmasında Dünya Bankı, EBRD, USAID, BMT İP kimi institutların dəstəyinə zəmanət verir.
Tədbirdə Azərbaycanı ekologiya və təbii sərvətlər naziri Hüseyn Bağırovun rəhbərliyi ilə nümayəndə heyəti təmsil edir.
Sənədə ilk imzanı Fransa prezidenti Fransua Olland atacaq. Belə ki, iqlim üzrə ötənilki Paris konfransı onun himayəsilə keçirilib.
Qlobal bayram – Beynəlxalq Ana Torpaq Günü 2009-cu il aprelin 2-də BMT Baş Assambleyasının 63-cü sessiyasında müəyyən edilib (qətnamə № A/RES/63/278, onun həmmüəllifləri BMT üzvü olan 50-dən çox ölkədir) və 2012-cu ildən başlayaraq hər il aprelin 22-də qeyd olunur.
Qətnamədə həmçinin qeyd olunur ki, “Ana Torpaq” termini bir çox ölkələrdə qəbul edilib, planet, onun ekosistemi və insan arasında asılılığı əks etdirir.
Ana Torpaq Gününü qeyd etmək ənənəsi ABŞ-da ekoloji fəal Heylord Nelsonun təşəbbüsü ilə yaradılıb. 1970-ci il aprelin 2-də bu gün ilk dəfə qeyd olunub.—0—
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz