Mərkəzi Seçki Komissiyası noyabrın 1-də Milli Məclisə keçiriləcək seçkilər üzrə seçki kampaniyası mərhələlərinin qrafikini müəyyən edib.
Beşinci çağırış Milli Məclisə seçkilərə hazırlıq və keçirilməsiylə əlaqədar əsas fəaliyyət və tədbirlər üzrə təqvim planı avqusun 29-da MSK-da təsdiqlənib və bazar günü rəsmi mətbuatda dərc edilib.
Seçkilər 125 birmandatlı dairədə majoritar sistem üzrə keçirilir.
Deputatlığa namizədlər vətəndaşların öz təşəbbüsü ilə, təşəbbüskar seçici qrupları, siyasi partiyalar, siyasi partiyalar bloku tərəfindən irəli sürülə bilər.
Deputatlığa namizədin qeydiyyatı üçün hər iddiaçı öz dairəsində ən azı 450 seçici imzası toplamalıdır. Qeydiyyat üçün sənədlərin verilməsinin son tarixi 2 oktyabr saat 18:00-dur, yəni səsvermə gününə 30 gün qalmış.
Deputatlığa namizədin qeydiyyatı və ya qeydiyyatından imtina iddiaçılar sənədlərini dairə seçki komissiyasına təqdim etdikdən sonra 7 gün ərzində aparılır.
Oktyabrın 9-dan seçkiqabağı təşviqat mərhələsi başlayır və seçkilərə bir sutka qalmış – 31 oktyabr 8:00-da başa çatır.
Seçki günü səsvermə saat 8:00-da başlayacaq və 19:00-da başa çatacaq.
Seçki günü 5 dəfə - saat 10.00, 12.00, 15.00, 17.00 və 19.00-da MSK səs verən seçicilərin sayı barədə ilkin məlumatları açıqlayacaq.
Seçki məntəqələri başlandıqdan sonra məntəqə seçki komissiyaları seçkilərin yekunlarına dair protokolları 24 saat ərzində dairə seçki komissiyalarına təqdim etməlidirlər.
Dairə üzrə seçkilərin nəticələri haqda protokollar seçki günündən sonra 48 saat ərzində - noyabrın 3-dən gec olmayaraq MSK-ya təqdim edilməlidir.
MSK noyabrın 21-dək seçkilərin nəticələrini yoxlamalı və 48 saat ərzində təsdiqlənmək üçün Konstitusiya Məhkəməsinə təqdim etməlidir. Öz növbəsində Konstitusiya Məhkəməsi 10 gün ərzində nəticələri elan etməlidir.—06D--
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz