Azərbaycan Sankt-Peterburqda yoldan keçənlərin döyülməsinin iştirakçısını Rusiya Federasiyasına təhvil verib
Azərbaycan Sankt-Peterburqda yoldan keçənlərin döyülməsinin iştirakçısını Rusiya Federasiyasına təhvil verib
Azərbaycan Sankt-Peterburqda yoldan keçənləri döyən yeniyetmələrdən ibarət dəstənin təşkilatçısı olduğu iddia edilən Tural Məmmədovu Rusiyaya ekstradisiya edib.
O, bir qrup şəxs tərəfindən zorakılıq tətbiq etməklə və etnik zəmində nifrət salmaqla xuliqanlıqda ittiham olunur. Bu barədə Rusiya Federasiyası Baş Prokurorluğunun Telegram kanalı məlumat yayıb.
İstintaqın məlumatına görə, 2023-cü il oktyabrın 15-də Tural Məmmədov ortaqları ilə birlikdə yoldan keçənlərə zorakılıq tətbiq etməyə çağırıb və onları döyüb.
Hücum edənlər baş verənləri videoya çəkərək, sonradan sosial şəbəkələrdə yerləşdiriblər.
Bundan əlavə, təqsirləndirilən şəxs 2023-cü ilin iyununda ortaqları ilə birlikdə Sankt-Peterburq küçəsində iki gənci döyüb.
Tural Məmmədov noyabrın 2-də Rusiyanın tələbi ilə Azərbaycanda saxlanılıb.
Oktyabrın 28-də o, Rusiya Federasiyasında beynəlxalq axtarışa verilib və qiyabi həbs edilib.
Tural Məmmədovdan başqa, xuliqanlıq, nifrət və düşmənçiliyin salınması faktı üzrə daha 11 nəfər, o cümlədən Azərbaycan, Tacikistan və Dağıstandan olan şəxslər saxlanılıb.
Bu barədə “Kommersant” qəzeti məlumat verir.
Rəy yaz
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
2 rəy
Rahim
2023-11-15
Bu nə dövlətdir ki, öz gənc vətəndaşını cəzalandırmaq və işgəncə vermək üçün Qarabağda başımıza oyun açmış dövlətə verir. Ermənistan və Gürcüstan verməzdilər. Ar olsun!
Bespredel hökümət
2023-11-16
Bu qanunsuzdur öz vətəndaşi başqa dövlətə vermək.