Elxan Şahinoğlu və Rasim Musabəyov
Azərbaycan şirkətinin ABŞ sanksiyalarına düşməsinin ölkəyə ziyanı...
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
ABŞ sanksiyaları Azərbaycanın “Lahic Energy” MMC-yə və onun direktoru Cahangir Əliyevə və atasına Yevgeni Əliyevə də tətbiq olunub.
ABŞ Maliyyə nazirliyinin açıqlamasında deyilir ki, "Lahıc Energy" MMC-yə sanksiya tətbiq edilməsinin səbəbi bu şirkətin Rusiyanın hərbi-sənaye bazasını dəstəkləmək üçün müəyyən edilmiş Rusiya Federasiyası iqtisadiyyatının bir sektorunda fəaliyyət göstərməsi ilə bağlıdır.
"Lahıc Energy» MMC Azərbaycan şirkətidir, Bakının Binəqədi rayonu, Ziya Bünyadov prospekti, ev 15-də yerləşir.
Milli Məclisin deputatı Rasim Musabəyov Turana bildirib ki, ilk növbədə sözügedən şirkətin rəhbərinin kim olduğunu araşdırmaq lazımdır: "Çox guman ki, o Rusiyada yaşayan azərbaycanlıdır. Ukrayna ilə maharibə başlayandan, sanksiyslar tətbiqindən sonra bir çoxları gəlib Qazaxstana, Azərbaycana, Ermənistana, Gürcüstana şirkət açıblar. Axtarmaq lazımdır ki, bu adam Azərbaycana nə dərəcədə aiddir".
Deputat hesab edir ki, bu sanksiyanın Azərbaycana heç bir mənfi təsiri olmayacaq: "Bu şirkətə qarşı sansiyalar qəbul olunubsa, sadəcə həmin şirkətin bank hesablarını bağlayacaqlar, bununla da Azərbaycan ərazisində bütün əməliyyatlar dayandırılacaq. Ancaq mən istisna etmirəm ki, onun bundan başqa bir neçə şirkəti qeydiyyatdan keçib".
"Atlas" Araşdırmalar Mərkəzinin rəhbəri Elxan Şahinoğlu bildirib ki, Rusiya Ukraynaya qarşı işğalçı müharibəni başladıqdan sonra ABŞ və Avropa Birliyinin Rusiyaya müxtəlif sanksiyalar mövcuddur və bu sanksiyalar da getdikcə sərtləşir: "Sanksiyaların içində Rusyanın vətəndaşları, oliqarxları, şirkətləri zaman-zaman yer alır. Amerika o şirkətləri və iş adamları hədəf alır ki, onlar Rusiyanın hərbi-sənaye kompleksi ilə əməkdaşlıq edirlər. Buna görə hətta Çin və Türkiyə ehtiyatlı mövqeyə keçiblər, Hindistan Rusiya ilə ticarət əlaqələri azaldıb".
Politoloqun fikrincə, Azərbaycan da bu məsələdə diqqətlidir: "Baxmayaraq ki, Rusiya ilə müəyyən münasibətlərimiz var, amma Ukraynada müharibə davam etdikcə Rusiya ilə hərbi sənaye sahəsində əməkdaşlığın riskləri böyükdür".
O, hesab edir ki, "Lahıc Energy" şirkəti ilə bağlı araşdırma aparılmalıdır: "Baxılmalıdır ki, bu şirkət Rusiyanın hərbi-sənaye kompleksi ilə əməkdaşlıq edirmi? Əgər həqiqətən o nəticəyə gəlinsə ki, bu şirkət Rusiyanın hərbi-sənaye kompleksi ilə əməkdaşlıq edir, onda qəti qərar verilməlidir. Yox, bilinsə ki, elə deyil, açıqlama verilməlidir. Çünki şirkət sanksiyalar altına düşübsə, onun Amerika və Avropa ilə əlaqələrdə ciddi problemlər yaşanacaq, üstəgəl bundan dövlətimiz də müəyyən qədər zərər görə bilər".
-
- Siyasət
- 2 May 2024 14:06
Cəmiyyət
-
Azərbaycan məktəblərində rus dilində siniflər arta bilər. Jurnalistlərə açıqlamasında Məktəbəqədər və ümumi təhsil üzrə dövlət agentliyinin sədri Eşqi Bağırov bildirib ki, məktəblərdə rus bölməsi üzrə kifayət qədər yer və pedaqoq ehtiyatı var. "Bu gün ölkənin təhsil müəssisələrində rus bölməsi üzrə 12 min yer var. Müraciət edənlərin sayı isə 10 minə çatıb. Ortalama bu gün üçün tələbat qarşılanır. Amma yeni tədris ilində pedaqoji kadr təyinatı, müəllim sayı imkan verərsə, ehtiyac olduqca, rus bölməsi üzrə sinif sayı artırıla bilər", - o əlavə edib.
-
Lider mobil operator beynəlxalq ictimaiyyət qarşısında daha dayanıqlı və yaşıl gələcək naminə gördüyü işlər haqqında danışdı Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi, “Azercell Telekom” MMC-nin baş sponsorluğu ilə Bakıda keçirilən “GSMA M360 2024” konfransı davam edir. COP29 ərəfəsinə təsadüf edən bu konfransın ikinci günü ətraf mühit, sosial və idarəetmə (ESG) prinsiplərinə həsr olunmuş sessiya ilə başlayıb. Bu sessiyada çıxış edən Azercell-in Hüquq, Etika və Komplayens üzrə baş direktoru Şirin Əliyeva şirkətin ESG strategiyasını açıqlayaraq onun adıçəkilən sahələrdə fəaliyyəti haqqında danışıb.
-
Mayın 17-də Bakıda və Abşeron yarımadasında yağış yağacağı, bəzi yerlərdə intensivləşəcəyi gözlənilir. Gündüz yağıntılar tədricən kəsiləcək.
-
Azercell-in ev sahibliyi etdiyi konfrans Bakıda beynəlxalq sənaye liderlərini bir araya gətirdi Bu gün Beynəlxalq GSM Assosiasiyasının (GSMA) Azərbaycanda sayca ikinci “GSMA M360 Eurasia” konfransına start verilib. Ötən il olduğu kimi, bu il də Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə Bakıda keçirilən tədbir telekommunikasiya və rəqəmsal texnologiyalar sahəsində çalışan aparıcı ekspertləri, eləcə də region üzrə tənzimləyici qurumların nümayəndələrini öz ətrafında toplamağa müvəffəq olub.
Rəy yaz