Bakı/10.05.18/Turan: Mayın 9-da Bat-Yamda (İsrail) Azərbaycandan olan 23 yaşlı turist saxlanılıb. O 900 min şekel məbləğində (252 min dollar) brilyantın oğurlanmasında şübhəli bilinir.
Yerli polisin bildirdiyinə görə, onları Tel-Əvivdə valyutadəyişmə məntəqəsindən oğurlayıb, İsrail KİV-i məlumat verib.
Bir gün öncə, mayın 8-də valyutadəyişmə məntəqəsinin əməkdaşı brilyant kisəsinin itməsilə bağlı polisə xəbər verib. Aşardırma zamanı müşahidə kamerasındakı videokadrların köməyilə oğurluq anının qeydə alınması mümkün olub.
Polis şübhəli şəxsin izinə düşüb onu kirayə qaldığı evdə tutub. Axtarış zamanı otaqlardan birində brilyantın bir hissəsi tapılıb.
Məlum olub ki, şübhəli şəxs İsrailə atası ilə birlikdə gəlib. Ata "İxilov" xəstəxanasında müalicə olunur.
Polis məhkəmədən onun saxlanma müddətinin uzadılmasını xahiş etmək niyyətindədir. Saxlanılan şəxsin adı açıqlanmır.
Yayımlanan videodan görünür ki, gənc oğlan bir müddət valyutadəyişmə məntəqəsində söykənəcəyin yanında dayanır. Ətrafda pullar var, işçi isə yoxdur. Sonra oğlan qarşıdakı rəfdən kisəni götürüb çıxır. Bu qədər brilyantın necə, hansı səbəbdən rəfdə qalması videodan məlum olmur. -02D-
Cəmiyyət
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
-
Hərbi ekspert, dövlət telekanallarının daimi qonağı Ədalət Verdiyevə qarşı hərbi sirrin açıqlanması üzrə ciddi ittiham irəli sürülüb. Bu ittihamla (Cinayət Məcəlləsinin 308-ci maddəsi) əgər günahkar açıqlamanın qərəzsizliyini sübut edərsə, 3-7 il həbs cəzasına məhkum edilə bilər. Ağırlaşdırılmış halda cəzanın müddəti 4-8 il azadlıqdan məhrumetmə ola bilər.
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
Rəy yaz