Azərbaycan vətəndaşları vətənə buraxılmalarının sürətləndirilməsini tələb edirlər
Bakı/02.06.20/Turan: Rusiya-Azərbaycan sərhədində vətənə buraxılmağı gözləyən Azərbaycan vətəndaşlarının sayı artır. Onlar Azərbaycana buraxılmalarının sürətləndirilməsini tələb edirlər.
İyunun 2-də təxminən 100 nəfərdən ibarət daha bir qrupun sərhədi keçməsinə baxmayaraq, Kullar qəsəbəsinə getdikcə yeni Azərbaycan vətəndaşları gəlir. Bu barədə Turan-a Kullarda Azərbaycan vətəndaşları üçün yaradılmış çadır düşərgəsində qalan vətəndaşlar bildiriblər.
İyunun 2-də buna qədər Dərbənddə "1001 gecə" mehmanxanasında qalan təxminən 60 nəfər gəlib. "İnsanlar mehmanxanada gözləməkdən yorulublar və sərhədə tərəf piyada getmək qərarına gəliblər. Dərbənd merinin müavini bunu gördükdə onlara "İkarus" ayırıb", deyə Kullarda çadır düşərgəsində olanlardan biri bildirib.
Onun sözlərinə görə, insanlar asfalt zavodunun ətrafına yerləşiblər. Bu insanların adları aparılacaq şəxslərin siyahısında idi, amma aydın olmayan səbəblərdən onları aparmayıblar.
"Ümumiyyətlə aparılan insanların seçilməsi meyarları aydın deyil. Bu gün Azərbaycana aparılanlar arasında cəmi 40 nəfər çadır düşərgəsindən idi, qalan 60 nəfər kənardan gətirilib. Aydın məsələdir ki, qadınlar və uşaqlar prioritet olaraq aparılır. Amma aparılanlar arasında gənclərin sayı da az deyildi. Biz bir aya yaxındır burada yaşayırıq, amma Dağıstana cəmi bir neçə gün əvvəl gələnləri Azərbaycana buraxdılar", deyə başqa bir Azərbaycan vətəndaşı bildirib.
Onun sözlərinə görə, Kullardakı düşərgələr həddindən artıq dolub.
Yeni gələnlər birbaşa küçəyə yerləşirlər. Sellofandan və əl altında olan digər vasitələrdən zavodun divarı boyunca özlərinə məskən qururlar. Digərlər asfaltın üstünəcə döşək sərib. "Burada dözülməz şərait var. Gündüz çadırlar çox isti olur. Gecə, əksinə, soyuq olur. Burada çimməyə imkan yoxdur. Çoxlarının ərzaq almağa pulu qalmayıb. Bu gün insanlar düşərgə mətbəxində hazırlanan yeməkdən imtina ediblər. Amma yeməyin keyfiyyəti pis olduğuna görə deyil, bu, vətənə buraxılmamağımıza etiraz idi. İnsanlar buraxılmanın sürətləndirilməsini tələb edirlər. Qoy heç olmasa bir-iki gündən bir 200 nəfər buraxsınlar. Burada vəziyyət çox gərgindir. İnsanlar qəzəbləniblər, əsəbləşirlər. Bəziləri emosionaldır. Bir neçə insan sadəcə qanuni tələblərlə - vətənə buraxılmaları tələbi ilə çıxış etdiklərinə görə 3 gündən 5 günə qədər həbs ediliblər", deyə bir aya yaxındır sərhəddə yerləşən Kullar qəsəbəsində olan daha bir Azərbaycan vətəndaşı bildirib.
Qeyd edək ki, mayın 18-də və 26-da quru sərhədindən RF-dən Azərbaycana 251 nəfər qayıdıb.
Mayın 18-də Dərbənddə ümumilikdə 900-ə yaxın Azərbaycan vətəndaşı var idi.
Nazirlər Kabineti yanında Operativ Qərargahın nümayəndələri Azərbaycan vətəndaşlarının karantin zonalarının onları qəbul etmək imkanları nəzərə alınmaqla qaytarıldığını bildirirlər. -06B-
-
- Cəmiyyət
- 2 İyun 2020 19:56
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz