![Azərbaycanda avtomobillərin düzgün parklanmamasına görə cərimələr sərtləşdirilir](https://turan.az/resized/news/2024/1zbaJfNKSSY8kIevwg0IzzFNe11mA1H4Ym7qftWB-750-500-resize.webp)
Azərbaycanda avtomobillərin düzgün parklanmamasına görə cərimələr sərtləşdirilir
Azərbaycanda avtomobillərin düzgün parklanmamasına görə cərimələr sərtləşdirilir
İyunun 12-də Milli Məclisin Hüquq siyasəti komitəsində "Yol hərəkəti haqqında" qanuna dəyişikliklər müzakirə olunub.
Qanunvericilikdəki dəyişikliklər bir sıra məhdudiyyət tətbiq edir və bəzi pozuntulara görə cəzaları sərtləşdirir.
Belə ki, gücü 1 kVt-dan çox olmayan mühərrikli kiçik elektromobillərdə sərnişin daşınması qadağan edilir və onlar müəyyən yerlərdə park etməlidir, velosiped yollarında hərəkət sürəti saatda 20 kilometrdən çox, yaşayış zonalarında, parklarda və həyətlərdə isə saatda 10 kilometrdən çox olmamalıdır.
Ödənişli parklanma yerində məbləğin ödənilməməsinə görə 20 manat, əlillər üçün nəzərdə tutulmuş yerdə parklanmaya görə 60 manat, yük avtomobillərinin, elektromobillərin, velosipedlərin yerində parklanmaya və 24 saatdan çox müddətə görə 20 manat cərimə müəyyən edilir.
Xidməti dayanacaqlarda parklanmaya görə 40 manat müəyyən edilir.
Parklanma üçün ödəniş SMS və ya xüsusi proqram təminatı vasitəsilə elektron formada həyata keçirilir.
Cəmiyyət
-
Avropa Şurası Parlament Assambleyasının (AŞPA) prezidenti Teodoros Rusopulos Azərbaycan hakimiyyətini Avropa Şurasının İşgəncələrə qarşı Komitəsi (CPT) ilə əməkdaşlığı dərhal bərpa etməyə və konstruktiv dialoqa çağırıb.
-
İyulun 5-də Bakıda və Abşeron yarımadasında hava yağıntısız olacaq. Cənub-şərq küləyi əsəcək.
-
“Bakcell” şirkəti Azərbaycanda ilk dəfə olaraq Wi-Fi üzərindən zəng xidmətini - VoWiFi (Voice over Wi-Fi) texnologiyasını istifadəyə verib. Yeni xidmət ölkə xaricində olan abunəçilərə smartfonda Wi-Fi şəbəkəsi aktiv olduğu halda dünyanın istənilən yerinə Azərbaycandakı tarif ilə zəng etmək imkanı verəcək.
-
Azərbaycan NATO-nun xarici işlər nazirləri səviyyəsində Vaşinqtonda keçiriləcək sammitinə dəvət olunub. Bu barədə ABŞ dövlət katibinin Avropa və Avrasiya məsələləri üzrə köməkçisi Ceyms O'Brayen iyunun 28-də Azərbaycanda səfərdə olarkən deyib. Onun sözlərinə görə, tədbirdə ümumilikdə 30 tərəfdaş ölkə iştirak edəcək: "ABŞ dövlət katibi Antoni Blinken bu tədbiri Azərbaycan və Ermənistan daxil olmaqla, Şimali Atlantika Alyansının bütün tərəfdaş ölkələri üçün təşkil edir".
Rəy yaz