Azərbaycanda hava qeyri-sabitdir, dağlara qar yağıb

Bakı/15.05.23/Turan: Mayın 15-də gecə və səhər Azərbaycanın rayonlarında yağış yağıb, bəzi yerlərdə leysan olub, bazar ertəsi dağlarda qar yağır, Ekologiya və Təbii Sərvətlər Nazirliyinin  Milli Hidrometeorologiya Mərkəzi bildirib.

Yağıntının miqdarı Lənkəranda 95 millimetr, Oğuzda 55, Astarada 43, Qəbələdə 31 millimetr olub.

Şimal-qərb küləyinin sürəti Naftalanda 20 metr/saniyə, Naxçıvanda 18, Ceyrançeldə 16, Bakıda və Abşeronda 25 metr/saniyəyə  çatıb.

"Neft daşları" stansiyasında dalğanın hündürlüyü 3,8 metrə çatıb.

Mayın 14-də havanın temperaturu iqlim normasından 2.8 dərəcə aşağı olub.

Bakıda və Abşeronda havanın minimum temperaturu müsbət 13, yüksək dağlıq yerlərdə mənfi 3 dərəcə olub.

Mayın 16-da paytaxtda hava dəyişkən bululdu olacaq, arabir açılacaq Gün ərzində bəzi yerlərdə yağış yağacağı gözlənilir. Axşama doğru şimal-şərq küləyi cənub küləyinə keçəcək.

Havanın temperaturu gecə müsbət 8 +12, gündüz müsbət 14 +19 dərəcə olacaq.

Ölkə rayonlarında da arabir yağıntı olacaq, bəzi yerlərdə leysan yağacaq, dolu düşməsi, dağlıq ərazilərdə isə qar yağması ehtimalı var.

Gün ərzində yağıntı tədricən kəsiləcək.

Havanın temperaturu gecə müsbət 7 +12, gündüz müsbət 17 +22 dərəcə olacaq.

Dağlarda gecə 0 -4 dərəcə, gündüz 0 +5 dərəcə gözlənilir. 06B