Azərbaycanda koronoviruslu xəstə qeydə alınmayıb
Bakı/21.01.20/Turan: Azərbaycanda koronoviruslu xəstə qeydə alınmayıb. Bu barədə Turan-a Respublika Sanitariya-Karantin Mərkəzinin epidemiologiya şöbəsinin müdiri Yadulla Balışov bildirib.
Onun sözlərinə gprə, ölkənin bütün quru, hava və dəniz sərhəd-keçid məntəqələrində həkimlər tərəfindən tədbirlər həyata keçirilir.
“Hərarəti olan insanlar müəyyən edilərsə, bu barədə Sanitariya-Karantin Mərkəzi məlumatlandırılır. İndiyədək belə məlumat daxil olmayıb”, - o qeyd edib.
Öz növbəsində Respublika Gigiyena və Epidemiologiya Mərkəzinin baş direktor müavini Afaq Əliyeva bildirib ki, Azərbaycanda koronovirusa yoluxma halı aşkar olunmayıb.
Virus qidadan və hava-damcı yolu ilə yayılır. Ən ağır nəticəsi pnevmaniyadır. Ağırlaşma halları ölümlə nəticələnə bilər.
A.Əliyevanın sözlərinə görə, Azərbaycanda xəstəliyə yoluxma riski çox deyil.
Qeyd edək ki, Çində yeni koronavirusa yoluxanların sayı üç yüzə çatıb. Hələlik bu virusun dərmanı yoxdur. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz