Azərbaycanda "Ultravist" çatışmazlığı yaranıb
Bəzi müayinələrdə və cərrahi əməliyyatlarda istifadə olunan "Ultravist" adlı kontrast maddənin dövlət və özəl klinikalarda tapılmadığı bildirilir.
Adının açıqlamasını istəməyən pasientlərdən biri Turan-a bildirib ki, ürəyində problemlər olduğuna görə əməliyyat olunmalıdır, amma kontrast maddə olmadığına görə əməliyyat ləngiyir: "Ürəyimə stend qoyulmalıdır, bunun üçün bu kontrast maddəyə ehtiyac var. Hər yerə zəng vurmuşam, deyirlər ki, hazırda bu maddə ölkədə yoxdur".
Deyilənə görə, hansısa sertifikatın verilməsini gözləyirlər. O olmadığına görə məni əməliyyata götürmürlər".
"Ultravist" olmadığına görə əməliyyatları təxirə salınan daha iki mənbə bu məlumatı təsdiq edib. Bu maddədən kompüter tomoqrafiyası, angoqrafiya, müxtəlif rentgen müayinələri və ürək-damar əməliyyatlarında istifadə olunur.
Əvvəllər sözügedən maddənin qiyməti 38 manat olub, sonra 60 manata qalxıb, indi isə qiymət 130 manata çatıb.
Daha bir mənbə çatışmazlığın bu maddə üzərində monopoliya səbəbindən yarandığını iddia edir. Bəzi məlumatlara görə, tezliklə bu maddənin qiymətinin xeyli yüksələcəyi gözlənilir.
Səhiyyə Nazirliyindən Turana deyilənləri təkzib ediblər: "Səhiyyə Nazirliyinin tibb müəssisələrində sözügedən preparatdan kifayət qədər mövcuddur və cari ilin sonuna kimi tədarük edilib".
Qurumdan qeyd olunub ki, dövlət tibb müəssisələrində preparat icbari tibbi sığorta hesabına pasientlərə pulsuz təqdim olunur.
Cəmiyyət
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
Rəy yaz