![Azərbaycanda vəkillərin sayı minə çatır](https://turan.az/resized/750/500/resize/media/2018/main/050200009796.jpg)
Azərbaycanda vəkillərin sayı minə çatır
Bakı/02.05.18/Turan: Azərbaycanda orta hesabla hər 10 min nəfərə bir vəkil düşür. Bu barədə Vəkillər Kollegiyasının sədri Anar Bağırov bildirib.
Onun sözlərinə görə, artıq Azərbaycanda vəkillərin sayı hər ay yüz nəfərə qədər artacaq və yaxın günlərdə Vəkillər Kollegiyasının üzvlərinin sayı 1000 nəfəri ötəcək.
A.Bağırov deyib ki, vəkilliyə qəbul müddətsiz aparılacaq, yəni, tələblərə cavab verən istənilən namizəd sənədlərini təqdim edəcək, müəyyən sayda müraciətlər olduqdan sonra onlar test imtahanından keçiriləcək.
Kollegiya sədri vəkillərlə KİV-in ünsiyyəti məsələsinə də toxunub.
"İstənilən vəkil mətbuata qanun çərçivəsində açıqlama verə bilər. Biz heç bir vəkilə qadağa qoya bilmərik. Ölkədə 1000 nəfərdən çox vəkil var. Onlara necə qadağa qoya bilərik? Sadəcə, biz vəkillərə tövsiyə etmişik ki, mətbuata açıqlama verərkən vəkillik sirrini yaymasınlar. Bu prinsiplərə riayət edən vəkillər istənilən məlumatı yaya bilər. Kollegiyanın məqsədi odur ki, vəkillər "Vəkillik fəaliyyəti haqqında" qanunun tələblərinə riayət etsinlər, vəkil sirrini yaymasınlar, üzərlərinə düşən vəzivələri düzgün yerinə yetirsinlər", - o qeyd edib.
2017-ci il sentyabrın 1-də Azərbaycan əhalisinin sayı 9,9 milyon nəfər olub. Vəkillər Kollegiyasının 934 üzvü var idi. Orta hesabla ölkədə 10 min nəfərə 1 vəkil düşür. Bu, Avropada ən aşağı göstəricidir.
Yerli medianın yazdığına görə, vəkillərin yeddi yüzdən çoxu paytaxt Bakıda fəaliyyət göstərir.
Ölkə məhkəmələrində il ərzində orta hesabla 350-400 min məsələ mübahisələndirilir.
Bir çox ekspertlər son illər müstəqil vəkillər vəkillik fəaliyyətinin dayandırıldığını bildirir. Belə ki, hüquq müdafiəçiləri tərəfindən "siyasi məhbus" kimi tanınan bir neçə vəkil hakimlərin, prokurorların Vəkillər Kollegiyasına təqdimatı ilə vəkillikdən kənarlaşdırılıb və ya müvəqqəti olaraq fəaliyyətləti dayandırlıb. Bu vəkillər Əlaif Həsənov, Xalid Bağırov, Yalçın İmanov, Nemət Kərimli, Fəxrəddin Mehdiyev, Elçin Namazov, Əsabəli Mustafayev, Namizəd Səfərov və digərləridir.-0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz