Dini Qurumlarla İş üzrə Dövlət Komitəsinin (DQDK) sədri Elşad İsgəndərov çərşənbə axşamı ATƏT-in Fəaliyyətdə olan sədrinin dözümlülüyün təbliği üzrə şəxsi nümayəndələri Adil Axmetov, hakim Ketrin MakGinnes və Ravin Endryu Beykerlə görüşüb.
Görüşdə Azərbaycanda dini, milli və irqi məsələlərdə tolerantlıq müzakirə olunub və komitə sədri qonaqlara ölkədə dini, milli və irqi ayrı-seçkilik olmadığını bildirib. Ölkədə yaşayan xalqlar və eləcə də müxtəlif dinlərə mənsub insanlar arasında tolerant yanaşmanın mövcud olduğu vurğulanıb. Komitə sədri məscidlərin, kilsələrin dövlət tərəfindən bərpa edildiyi, katolik icması üçün yeni kilsə və yəhudilər üçün yeni sinaqoq tikildiyini qeyd edib. Komitə sədri Azərbaycandakı tolerantlıq modelinin dünya üçün örnək ola biləcəyini söyləyib.
Qonaqlar Azərbaycanda tolerantlıqdan məmnunluq ifadə ediblər. Azərbaycandakı tolerantlıq mühitinin dünya ölkələrinin çoxunda mövcud olmadığı deyilib. Bu fakt Azərbaycanın dini, milli və irqi ayrı-seçkilik məsələlərinə həssas yanaşmasının nümunəsi sayılıb. Görüşdə ATƏT-lə birgə bu mövzuda həyata keçirilə bilməsi mümkün olan konkret layihələr müzakirə edilib. -05D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz