Bu ilin yayında hərbi xidmətdə müəmmalı şəkildə dünyasını dəyişmiş əsgər İsmayıl İbayevin yaxınları çərşənbə axşamı RATİ-də növbəti mətbuat konfransı keçiriblər.
Əslən Cəbrayıl rayonundan olan İ.İbayev rayon işğal edildikdən sonra ailəsilə birlikdə Biləsuvarda məskunlaşıblar. Bu ilin aprelində Naxçıvanda hərbi xidmət keçməyə başlayıb. İyulun sonunda dünyasını dəyişib. Müdafiə Nazirliyi əsgərin odlu silahla baş nahiyəsindən özünə atəş açaraq intihar etdiyini bildirir. Əsgərin yaxınları isə bu iddianı rədd edirlər. Əsgərin qətlə yetirildiyini, başının kəsildiyini, daxili orqanlarının çıxarıldığını qeyd edirlər. Hətta yaxınları iddia edirlər ki, əsgərin daxili orqanları Naxçıvan hərbi prokuroru tərəfindən İrana satılıb. Artıq əsgərin 40 mərasimindən bir ay keçsə də, başı dəfn üçün hələ də ailəsinə qaytarılmayıb. İstintaq bunu ekspertiza keçirilməsilə əlaqələndirir. Əsgərin anası İradə Məmmədova oğlunun başı qaytarılacağı halda istintaqın əsgərin intihar etməsi iddiasının yalan olmasının sübut olunacağını söyləyib.
Mətbuat konfransında ölkə hərbi prokuroru Xanlar Vəliyev yalançılıqda ittiham edilib. Belə ki, hərbi prokuror aparılan cinayət işinin istintaqının Naxçıvandan alınaraq Bakıya gətiriləcəyi haqda ailəyə verdiyi vədi yerinə yetirməyib. Əsgər ailəsi indiki tərkibdə istintaqın obyektiv aparılacağına inanmır. Əsgər ailəsi İ.İbayevin qətlində xidmət etdiyi hərbi hissə rəhbərliyini, Naxçıvan hərbi prokurorluğunu, meyiti yaran ekspertləri təqsirkar bilir. -05C-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz