Azərbaycandan İrana gedənlərin sayında kəskin artım müşahidə olunur

Bakı/23.01.19/Turan: 2018-ci ildə dünyanın 196 ölkəsindən Azərbaycana təxminən 2 mln. 850 min əcnəbi və vətəndaşlığı olmayan şəxs gəlib. Bu barədə bu gün Dövlət Statistika Komitəsi Azərbaycan Dövlət Sərhəd Xidmətinə istinadən bildirib.

Beləliklə, ölkəyə 2017-ci ildə olduğundan 5,7% çox əcnəbi və vətəndaşlığı olmayan şəxs gəlib.

Əcnəbilərin 30,9%-i RF, 21,4%-i Gürcüstan, 10,2%-i Türkiyə, , 8,5-i İrandan gəlib.

Qalan 9% BƏƏ, Səudiyyə Ərəbistanı, İraq, Ukrayna, İsrail və başqa ölkələrdən gəlib.

Ən çox turist axını Fars körfəzi ölkələrinin payına düşür.

Belə ki, 2017-ci il ilə müqayisədə Səudiyyə Ərəbistanından gələnlərin sayı 2,2 dəfə çoxdur. Bəhreyndən gələnlər 2 dəfə, Küveyt 1,8, Qətər 1,6 dəfə çoxdur.

Hindistan, Misir, Türkmənistan, Cənubi Koreyadan gələnlərin sayı 1,5-dən 2,7-dək artıb.

2018-ci ildə Azərbaycandan xarici ölkələrə 4 mln. 908 min nəfər səfər edib ki bu da 2017-ci ildə olduğundan 19,5% çoxdur.

Azərbaycan sakinlərinin 33,6%-i İrana, 29,2%-i Gürcüstana, 18,9%-i Rusiyaya, 12,3%-i Türkiyəyə səfər edib.

İrana gedən Azərbaycan sakinlərinin sayı 71,8%, Gürcüstana gedənlərin sayı 4,2% artıb.-05d06--