Son yenilənmə

(1 saat əvvəl)

Azərbaycanın hüquq müdafiəçisinə Teodor Heker mükafatı təqdim olunub

Cəmiyyət
5 May 2013, 20:01
206

A- A A+

EN RU

Turan İnformasiya Agentliyi

Azərbaycanın hüquq müdafiəçisinə Teodor Heker mükafatı təqdim olunub

Azərbaycanın hüquq müdafiəçisi, Sülh və Demokratiya İnstitutunun direktoru Leyla Yunusa Teodor Heker adına beynəlxalq mükafat təqdim olunub.

Təqdimetmə mərasimi Almaniyanın Esslingen-na-Nekare şəhərində şəhərin görkəmli xadimləri və başqa ölkələrdən qonaqların iştirakı ilə keçirilib.

Yunus bu mükafata insan haqlarının, demokratiya idealları və humanizmin müdafiəsi işində mübarizəsinə görə layiq görülüb.

Şəhərin oberburqomistri Yurgen Ziger mərasimdə çıxış edərək Leyla Yunusun Azərbaycanda insan haqları və vətəndaş azadlıqlarının müdafiəsi işinə töhfəsini yüksək qiymətləndirib. O, qeyd edib ki, Azərbaycan hökuməti beynəlxalq öhdəliklərini pozaraq vətəndaşların hüquq və azadlıqlarını geniş şəkildə pozur, hər gün insanlar üzərində dövlət zorakılığı həyata keçirir.

Beynəlxalq hesabatlar bu ölkədə insan haqlarının kədərli mənzərəsini nümayiş etdirir, deyə Ziger qeyd edərək Azərbaycanın korrupsiya indeksi üzrə dünyada 134-cü, Azadlıq indeksi üzrə 156-cı yeri tutduğunu vurğulayıb.

Mən bu zərif qadını ötən ilin mayında Bakı küçələrində etiraz aksiyaları zamanı gördüm və sonradan anladım ki, o, korrupsiyaya uğramış rejimlə necə ağır mübarizə aparır, deyə Almaniyanın ADR telekanalının redaktoru Georq Restle bildirib.

Leyla Yunus öz çıxışında Azərbaycan hökumətinin kobud şəkildə pozduğu bütün haqq və azadlıqlar sahəsinə toxunub – bunlar qanunsuz həbslər, vətəndaş fəallarının qətli, müxalifətin təqibi, yığıncaq keçirilməsinə qadağa, söz azadlığının boğulması, mülkiyyət hüququnun pozulması, insan alveri və s.-dir.

O, beynəlxalq camiəni Azərbaycan hakimiyyətindən insanlar üzərində dövlətin zorakılığını dayandırmağa, insan haqları və azadlıqlarına hörmət etməyi daha israrla tələb etməyə çağırıb və qeyd edib ki, digər vətəndaş fəalları ilə yanaşı azadlıq idealı uğrunda mübarizəni davam etdirəcək.

Yurgen Ziger bəyan edib ki, Avropa ailəsinin digər üzvləri kimi Almaniya Azərbaycanda insan haqları və demokratiyanın inkişafı üçün hər şeyi edəcək. O, Leyla Yunusa AFR prezidenti İoahim Haukun müraciətini çatdırıb. AFR prezidenti hüquq müdafiəçisini təbrik edib və Azərbaycanda demokratik dəyərlərin müdafiəsi üzrə səylərində ona dəstək ifadə edib.

Mükafat iki ildən bir azadlıq, demokratiya, sülh və humanizm idellarının müdafiəsində igidlik və mərdlik göstərmiş şəxslərə verilir. İlk qalib 1995-ci ildə Rusiyadan hüquq müdafiəsçisi Sergey Kovalyov olub. Mükafatçılar sırasında bunlar var: Misirli professor Cehan Sabat (Dr.Jehan Sabat (1997), Belarus müxalifətinin lideri Viktor Qonçar (2000), Türkiyədən vəkil Eren Keskin (Eren Keskin 2005), Meksikadan hüquq müdafiəsçisi Cudit Qalarza (Judith Galarza (2007), İrandan hüquq müdafiəçisi Şiva Nazar Ahari (Shiva Nazar Ahari 2011).

Teodor Heker katolik ekzistensializimin məşhur nümayəndələrindən və Üçüncü Reyxin radikal tənqidçilərindəndir. O, iki dünya müharibəsi arasında ən mühüm katolik yazıçılardan biri sayılır. Esslingen-na-Nekare şəhəri Teodor Hekerin xatirəsinə mükafatı 1995-ci ildə onun ölümünün 50 illiyi münasibəti ilə təsis edib.

Rəy yaz

Ad *

Rəyiniz *

Oxudum və razıyam Şərh göndərmə qaydaları

- Cəmiyyət
- 4 May 2013 15:50
Təhsil Nazirliyi attestat verilməsi qaydalarını dəyişir
- Siyasət
- 5 May 2013 20:31
Şəkidə polis AXCP-nin tədbirini pozub

Cəmiyyət

Cəmiyyət
- 5 Oktyabr 2024, 13:51
Bazar günü Bakıda hava şəraitinin küləkli olacağı gözlənilir
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.

Ardını oxu
Cəmiyyət
- 5 Oktyabr 2024, 12:05
NMR-də məktəb direktorundan şikayət edən müəllimə işdən çıxarılıb
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".

Ardını oxu
Cəmiyyət
- 4 Oktyabr 2024, 20:56
"Keçmiş SSRİ vaxtı pis-yaxşı olan sığınacaqlar bu gün gecə klublarıdır"
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.

Ardını oxu
Cəmiyyət
- 4 Oktyabr 2024, 15:44
Şənbə günü hava haqqında
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.

Ardını oxu