Дашгын Агаларлы
Bakı/08.05.17/Turan: Tbilisi Şəhər Apellyasiya Məhkəməsi Daşqın Ağalarlıya oturma hüququnun verilməsi barədə Tbilisi Şəhər Məhkəməsinin qərarını ləğv edib. O, bir ay müddətində Gürcüstanı tərk etməlidir. Bu barədə Turan-a NİDA Hərəkatının fəalı Əfqan Muxtarlı bildirib.
"Artıq həmin qərar Daşqın Ağalarlıya təqdim edilib", - Ə.Muxtarlı bildirib.
Onun sözlərinə görə, BMT Qaçqınlar üzrə Ali Komissarlığı da onun 3-cü ölkəyə göndərilməsindən imtina edib.
"Daşqın Ağalarlının Azərbaycana qayıtması həyatı üçün təhlükədir", - Ə.Muxtarlı hesab edir.
Xatırladaq ki, Daşqın Ağalarlı 2014-cü il martın 3-də Batumidən Türkiyəyə gedərkən saxlanılıb. Onu 6 ay təcridxanada saxlayıblar və Azərbaycana təhvil vermək istəyiblər. Amma Tbilisi Şəhər Məhkəməsi ittihamlar təsdiqlənmədiyi üçün onu sərbəst buraxıb.
Azərbaycan hüquq- mühafizə orqanlarının məlumatına görə, D.Ağalarlının 4500 avro vergi borcu var və bu səbəbdən İnterpol xəttilə axtarışa verilib.
Müxalifət fəalı olan D.Ağalarlı Demokratik Qüvvələrin Milli Şurasının yaradıcılarından biridir.
Onun fikrincə, hakimiyyət tərəfindən təqib edilməsinin əsl səbəbi budur.-05D-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz