![Azercell-in Telefon Mərkəzi ilk yarım ildə 3 milyon zəng qəbul edib](https://turan.az/resized/news/2024/XS59akjOngb3fBMqI1IcgKXeRuNgzpsl7g4wZbSy-750-500-resize.webp)
Azercell-in Telefon Mərkəzi ilk yarım ildə 3 milyon zəng qəbul edib
Azercell-in Telefon Mərkəzi ilk yarım ildə 3 milyon zəng qəbul edib
“Bağlantını asanlaşdırır, həyatı daha dolğun edirik” strateji məqsədinə sadiq qalan lider mobil operator daxil olan müraciətləri operativ və effektiv şəkildə cavablandırmağa və müştərilərə əlçatan olmağa davam edir
2024-cü ilin ilk yarısında Azercell-in Telefon Mərkəzi 3 milyon zəng qəbul edib. Daxil olan müraciətlər ortalama 2 dəqiqə 30 saniyə ərzində cavablandırılıb. Bu da qəbul edilmiş beynəlxalq standart - 6-7 dəqiqə ilə müqayisədə yüksək göstəricidir. Zənglərin məzmunu internet paketləri, nömrə ilə bağlı əməliyyatlar, tarif və müştərək xidmətlərə dair məlumatlar, balans və ödəmə məsələləri ilə əlaqədar olub.
Qeyd olunan müddətdə Azercell-in Onlayn Müştəri Xidmətlərinə 450 minə yaxın müraciət daxil olub. Lider mobil operatorun rəsmi “Facebook”, “Instagram”, “Linkedin”, “Twitter” və “YouTube” səhifələri üzərindən isə 256 minə yaxın müraciət cavablandırılıb.
Xatırladaq ki, Azercell ölkədə 24/7 rejimində fəaliyyət göstərən Telefon Mərkəzini və Onlayn Müştəri Xidmətlərini təklif edən ilk mobil operatordur.
Ötən ilin noyabr ayında Azərbaycan dilində tam spektr xidmət göstərməyə başlayan süni zəka əsaslı ilk virtual assistent “Aicell” də artıq müştəri məmnuniyyətini qazanıb. Abunəçiləri Telefon Mərkəzinə yönləndirmədən bir çox servisi dərhal özü həyata keçirən “AiCell” zənglərin 11%-ni cavablandırıb. Öz növbəsində Mərkəzə müraciət etmiş müştərilərin 72%-i suallarının cavablandırılması üçün “Aicell”i tərcih ediblər və bot abunəçilərin istəklərini 95% tam düzgün şəkildə anlayaraq onlara müvafiq xidmət göstərib. Hazırda 10 istiqamətdə xidmət göstərən “Aicell” məlumatlandırma, aktivləşdirmə və deaktivləşdirmə ilə yanaşı, həm də abunəçilərə diaqnostika xidmətləri göstərir.
2024-cü ilin ilk yarım ilində Azercell-in Telefon Mərkəzinin müştəri məmnuniyyəti indeksi qəbul edilmiş beynəlxalq standartı (85%) keçərək yüksək göstəriciyə - 95%-ə çatıb.
Telefon Mərkəzi bu ildən etibarən həm də təklif etdiyi xidmətlərin siyahısını genişləndirərək xidmət satışını da həyata keçirməyə başlayıb.
Azercell-in təqdim etdiyi xidmətin yüksək keyfiyyətinin daha bir göstəricisi lider mobil operatorun əldə etdiyi beynəlxalq uyğunluq sertifikatıdır. Cari ilin mart ayında “TÜV Austria Azərbaycan” MMC tərəfindən həyata keçirilən keyfiyyət auditinin nəticəsi olaraq, Azercell ISO 10002:2018 (Keyfiyyətin idarə olunması — Müştəri məmnuniyyəti – Müəssisələrdə şikayətlərə baxılmasına dair təlimatlar) beynəlxalq standartına uyğunluq sertifikatına layiq görülüb. Uyğunluq sertifikatı müştərilər tərəfindən irəli sürülən təklif və şərhlərin diqqətlə araşdırılmasını, eləcə də şikayətlərə baxılması prosesinin davamlı təhlilini təmin edən şirkətlərə verilir.
7/24 abunəçilərin sorğularını qəbul edən Azercell-in Telefon Mərkəzinə *1111 qısa nömrəsi, eləcə də (012) 4904949 (Fakturasız Xətt abunəçiləri üçün) və (012) 4905252 (Fakturalı Xətt abunəçiləri üçün) şəhər nömrələri vasitəsilə müraciət etmək mümkündür.®
Cəmiyyət
-
Bu il Aşura ilə əlaqədar ölkədə 35 ünvanda qanvermə məntəqələri təşkil olunub. Ötən il belə məntəqələrin sayı 16 olub. Bu barədə Dini Qurumlarla İş üzrə Dövlət Komitəsinin məlumatında deyilir.
-
Ölkənin ən böyük özəl mobil operatoru “Bakcell” tətbiqində yeni süni intellekt (AI) dəstəkli "Tarif Məsləhətçisi" funksiyasını istifadəyə verib. Bu innovativ alət, abunəçilərin zəng və internet ehtiyaclarını nəzərə alaraq onlara ən uyğun tarif planlarını tövsiyə edir.
-
İyulun 17-də Bakıda və Abşeronda yağıntısız isti hava şəraiti davam edəcək. Havanın temperaturu gündüz müsbət 32+37 dərəcə olacaq. Gündüz rütubət 40-45 faiz, gecə 60-65 faiz arasında olacaq.
-
Bu gün sosial şəbəkələrdə yayılan videoda polis zabitinin bir vətəndaşın cibinə narkotik maddə atdığı və onu saxladığı iddia edilir. İnsident ticarət mərkəzlərinin birində baş verib. Mülki geyimli şəxs bir nəfərə arxadan yaxınlaşaraq cibinə nəsə qoyur.
Azərbaycanda növbəti devalvasiya gözlənilir? – Natiq Cəfərli Çətin sualda
Xəbər lenti
-
- Cəmiyyət,
- 14:22
- 239
-
- Foto sessiyalar,
- 13:30
- 360
-
- Siyasət,
- 12:18
- 176
-
- Cəmiyyət,
- 11:08
- 467
Rəy yaz