![Azercell Ümumdünya Şahmat Olimpiadasının tərəfdaşıdır](https://turan.az/resized/750/500/resize/media/2016/main/090200167550.jpg)
Azercell Ümumdünya Şahmat Olimpiadasının tərəfdaşıdır
Lider operator tədbirin peşəkar telefon mərkəzini təşkil edib
Azərbaycan rabitə bazarının lider mobil operatoru Azercell Telekom MMC ölkəmizdə keçirilən 42-ci Ümumdünya Şahmat Olimpiadasına dəstək verir. 1 sentyabr tarixindən Bakıda start götürən Beynəlxalq Olimpiadada iştirak etmək üçün 176 ölkə qeydiyyatdan keçib və ümumilikdə 181 kişi və 142 qadın komandası mübarizə aparmaq üçün Azərbaycana gəlib. Bu, iştirakçı ölkələrin sayına görə Olimpiada tarixində rekord göstərici sayılır. Ölkəmiz üçün belə bir əhəmiyyətli tədbirdə Azercell nümunəvi Müştəri Xidmətləri və Telefon Mərkəzini yaratdığına görə, Şahmat Olimpiadası boyu telefon mərkəzinin təşkilini təmin edir. Qeyd edək ki, indiyə qədər baş tutan bütün şahmat olimpiadalarında ilk dəfədir ki peşəkar telefon mərkəzi xidməti göstərilir və onun da təşkili Azercell Telekom-a həvalə olunub. Bununla da Azercell bu sahədə oz zəngin təcrubəsini və peşəkarlığını ölkəmizdə keçirilən möhtəşəm tədbirin uğurla baş tutmasına yönəldir. Xatırladaq ki, 1998-ci ildə ölkədə ilk dəfə olaraq 24/7 rejimində fəaliyyət göstərən Telefon Mərkəzi, 2009-cu ildə isə Gəncədə ilk Regional Telefon Mərkəzini yaradan Azercell Telekom MMC EN15838 Müştərilərlə Əlaqə Mərkəzi (Customer Contact Center) nişanını alan regionun ilk özəl şirkətidir. Məlumat üçün bildirək ki, Azercell indiyə qədər ölkəmizdə keçirilən bir sıra tədbirlərə və yarışlara müxtəlif cür dəstək verib. Onların arasında Avroviziya mahnı müsabiqəsi, Avropa Oyunları, I Uşaq Paralimpiya Oyunların və s. Ölkəmizdə futbolun, voleybolun, gimnastikanın və uşaq idmanın inkişafına yönəlik bir çox layihələrə imza atıb.
Hazırda 150-dən çox ölkəni, 3 minədək idmançını və rəsmiləri əhatə edən əsas idman yarışlarından biri olaraq qəbul edilən Ümumdünya Şahmat Olimpiadasına dəstək olmaqdan məmnunluq hissini bildirən Azercell Azərbaycan milli komandasına uğurlar arzulayır.
Daha ətraflı məlumat üçün news@mcs.az ünvanına müraciət edə bilərsiniz
Azərbaycanın mobil rabitə sənayesinin lideri və qeyri-neft sektorunun ən böyük sərmayədarı Azercell Telekom MMC 1996-cı ildə təsis edilmişdir. Azərbaycanın mobil rabitə bazarındakı payı 48% olan Azercell-in şəbəkəsi ölkə ərazisinin 80%, əhalinin 99,8%-ni əhatə edir. Bu gün 4,5 mln nəfər Azercell-in xidmətlərinə seçir. Bir sıra innovativ texnologiya və konsepsiyaları ilk dəfə olaraq Azərbaycana Azercell gətirib: GSM texnologiyası, öncədən ödəmə sistemi, 24/7 Telefon Mərkəzi, onlayn müştəri xidmətləri, GPRS/EDGE, M2M, MobilBank, 1 nöqtədə 3 xidmət göstərən Azercell Ekspres ofisləri, mobil elektron xidməti “Asan İmza” və s. 2012-ci ildə Azercell ölkədə ilk 4-cü nəsl LTE xidmətini təqdim etmişdir. Mobil şəbəkə keyfiyyətinin araşdırmasını aparan Global Wireless Solutions şirkətinin, eləcə də radio siqnalların şəbəkə keyfiyyətini ölçən “Opensignal” və “Testmy.net” kimi beynəlxalq sistemlərin nəticələrinə əsasən Azercell şəbəkəsi bir çox parametrlərə görə Azərbaycanın mobil operatorları arasında ən yüksək göstəricilər nümayiş etdirmişdir.
-
- Cəmiyyət
- 2 Sentyabr 2016 16:39
-
- İqtisadiyyat
- 2 Sentyabr 2016 17:17
Cəmiyyət
-
Sentyabrın 11-i səhər saatlarında aralarında gənc, yaşlı, qadın olmaqla, təxminən 25 nəfərin Bəhrəmtəpə-Beyləqan avtomobil yolunun Qaragüvəndikli kəndindən keçən hissəsini bağladıqları bildirilir. "Azadlıq" radiosunun məlumatına görə, etirazçılar ötən ildən itkin düşmüş 11 yaşlı Rasim Xankişiyevin ailə üzvləri, qohumları və həmkəndliləridir.
-
Sentyabrın 12-də paytaxtda isti, quru hava şəraiti davam edəcək. Mülayim şimal-qərb küləyi əsəcək. Havanın temperaturu gündüz 28-32 dərəcə, nisbi rütubət gecə 70-75%, gündüz 40-45% təşkil edəcək.
-
Lider mobil operator “Məktəbə qayıdış” adlı kampaniyasını təqdim edir “Azercell Telekom” MMC yeni tədris ili ərəfəsində mütaliə və xarici dillərə marağı olan abunəçilər üçün “Məktəbə qayıdış” kampaniyasını elan edir.
-
Lider mobil operator sosial layihə müsabiqəsinin müraciət tarixini uzadır Azercell qadınların ictimai həyatda fəallığının artırılmasına töhfə vermək məqsədilə həyata keçirdiyi sosial layihə müsabiqəsinin müraciət tarixini uzadır. Qeyri-hökumət və qeyri-kommersiya təşkilatları layihə təkliflərini 24.09.2024-cü il tarixinədək qeyd olunmuş link üzərindən göndərə bilər.
Rəy yaz