Bayram namazı sentyabrın 12-də qılınacaq

Qafqaz Müsəlmanları İdarəsinin (QMİ) Qazılar Şurası Qurban bayramı münasibətilə tövsiyələrini açıqlayıb. Məlumatı QMİ-nin mətbuat xidməti yayıb.

QMİ Qurban bayramı münasibətilə Azərbaycan xalqını və bütün müsəlmanları təbrik edir.

Sənəddə qurban kəsilməsinin həcc ziyarətində olanlara vacib olduğu deyilir. Digər yerlərdə isə imkanlı adamların qurban kəsmələri Allah-Təala yanında bəyənilmiş əməllərdən sayılır. Qurban ətini fəqir və kasıb ailələrə paylamaq böyük savabdır.

Qurban kəsilən heyvan sağlam və kök olmalıdır. Qurban qoyun, keci, öküz-inək və ya dəvə olmalıdır. Bu heyvanlar müəyyən yaş həddinə çatmalıdır. Keçi və qoyunun ili tamam olmalı, öküz və inək bir və ya iki ildən artıq, dəvənin isə beş ili tamam olmalıdır.

Bundаn əlаvə, beş-altı adamın cəmləşib bir iribüynuzlu heyvanı qurban kəsməsi çox yerlərdə el adətinə çevrilib. Yaxşı olar ki, bu zaman bölgü aparanda həmin şəriklər biri-birinə halallıq versinlər. Qurbanlıq əsasən üç hissəyə bölünür: bir hissəni qurban sahibi özünə götürə bilər, digər hissə fəqir və kasıb ailələrə, üçüncü hissə isə hədiyyə kimi qohum-əqrəbalara paylanmalıdır. Hədisi-şərifdə Həzrəti Peyğəmbər (s) buyurur: “Uca Allah qurbanlığı yoxsulların iqtisadi vəziyyətlərinin yaxşılaşmasından ötrü qərar vermişdir. Onlara bu ətdən yedirdin”. (“İləluş-Şəraye” səh. 437).

Аzərbаycаndа bu il Qurban Bayramı 12 sentyabr tarixinə təsadüf edir. Bayram namazı Azərbaycan məscidlərində həmin gün qılınacaq. Tövsiyə edərdik ki, bu müqəddəs bayramda qurbanlıq kəsilməsini baytarlıq və sanitariya qayda- qanunlarına ciddi əməl olunmaqla münasib yerlərdə icra edəsiniz. Həmçinin, qurbanların uşaqların gözü qarşısında kəsilməsi məsləhət deyil.

Аllаh-Təаlа insаnlаrın mənən sаflаşmаsı və həmrəylə nail olması məqsədilə qərаr verdiyi bu bаyrаm günündə кəsdiyiniz qurbаnlаrı qəbul etsin. Аmin! -05-