![Aİ-nin Azərbaycanda baytarlıq nəzarətinə dəstək tvinninq layihəsi işə salınıb](https://turan.az/resized/media/2016/main/090200167554-750-500-resize.webp)
Aİ-nin Azərbaycanda baytarlıq nəzarətinə dəstək tvinninq layihəsi işə salınıb
Sentyabrın 2-də Kənd Təsərrüfatı Nazirliyi yanında Dövlət Baytarlıq Nəzarəti Xidmətinin inzibati binasında "Azərbaycanda Epidemioloji Nəzarət Sisteminin Gücləndirilməsi İstiqamətində Dövlət Baytarlıq Nəzarəti Xidmətinə (DBNX) Dəstək" Tvinninq layihəsinin açılış mərasimi keçirilib.
Aİ-nın Bakı ofisindən Turana verilən məlumata görə, Tvinninq layihəsinin əsas hədəfi Azərbaycanda heyvan və insan sağlamlığını qorumaq, kənd təsərrüfatı sektorunda iqtisadi artıma və qida təhlükəsizliyi üzrə vəziyyətin yaxşılaşdırılmasına töfhə vermək üçün Beynəlxalq Epizootik Büronun tələblərinə uyğun olaraq respublikada heyvan xəstəliklərinin, zoonozların epidemiologiyası, profilaktikası və xəstəliklərə nəzarət sahəsində Dövlət Baytarlıq Nəzarəti Xidmətinin potensialını daha da gücləndirməklə DBNX-nin imkanlarını genişləndirməkdən ibarətdir.
Avropa İttifaqının 1,020,000 Avro dəyərində maliyyələşdirdiyi Tvinninq layihəsi 2016-cı ilin 19 may tarixindən başlayıb və 2018-ci ilin may ayının 18-dək davam edəcək. Layihə Azərbaycan Respublikasının Kənd Təsərrüfatı Nazirliyi, Fransanın Qida, Kənd Təsərrüfatı və Kənd Əraziləri Nazirliyi, Macarıstan Milli Qida Təhlükəsizliyi Zənciri İdarəsi tərəfindən həyata keçiriləcək.
Tədbir Kənd Təsərrüfatı Nazirliyi ilə Avropa İttifaqının (Aİ) birgə təşkilatçılığı ilə baş tutub.
Açılış mərasimində Aİ-nin Azərbaycandakı səfiri və Aİ nümayəndəliyi, Fransanın və Macarıstanın Azərbaycandakı səfirlikləri, Fransiz-Macar Konsorsumu, BMT-nin Ərzaq və Kənd Təsərrüfatı Təşkilatı (FAO), Avropa Rekonstruksiya və İnkişaf Bankı (ARİB), ABŞ-ın Təhlükənin Azaldılması üzrə Müdafiə Agentliyi (DTRA), Dünya Bankı ACİP layihəsi, Tvinninq layihəsinin Bakı ofisi, Maliyyə, Kənd Təsərrüfatı, Səhiyyə, İqtisadiyyat nazirlikləri, Dövlət Gömrük Komitəsi, həmçinin Kənd Təsərrüfatı və Səhiyyə nazirliklərinin müvafiq strukturları və digər aidiyyəti qurumların nümayəndələri iştirak ediblər.
Aİ-nın Azərbaycan nümayəndəliyinin rəhbəri Malena Mard tədbirdə çıxış edərək bildirib ki, bu layihə Aİ və Azərbaycan arasında kənd təsərrüfatı sahəsində növbəti mühüm addım olacaq. -02D/16D-
İqtisadiyyat
-
Yanvar-avqust dövründə Azərbaycanın istehlak qiymətləri indeksi (İQİ) 2023-cü ilin eyni dövrü ilə müqayisədə 1.3% artaraq, ölkədə mülayim inflyasiya dövrünü qeyd edir. Dövlət Statistika Komitəsinin məlumatına görə, səkkiz aylıq dövrdə ümumi İQİ 101.3%-ə çatıb və müxtəlif sektorlarda fərqli inflyasiya təzyiqləri müşahidə edilib.
-
Azərbaycan bu ilin yanvar-iyul ayları ərzində ötən ilin eyni dövrü ilə müqayisədə maaşlı işçilərin orta nominal aylıq əməkhaqqında 8,3%-lik əhəmiyyətli artım müşahidə edib. Dövlət Statistika Komitəsinin açıqladığı məlumatlara görə, ölkə iqtisadi inkişaf və sektorlararası dəyişikliklər yaşadıqca orta nominal aylıq əməkhaqqı 1,002.4 manata çatıb.
-
Azərbaycan Mərkəzi Bankının (AMB) sədri Taleh Kazımov yaxın zamanda Türkiyə və Qafqaz regionu üzrə Avropa Yenidənqurma və İnkişaf Bankının (AYİB) icraçı direktoru Elizabetta Falçetti başçılığı ilə yüksək səviyyəli nümayəndə heyətini qəbul edib. Bakıda keçirilən görüşdə Azərbaycanın maliyyə sektorunun davamlı inkişafını gücləndirmək və ölkənin real iqtisadiyyatına maliyyə vəsaitlərinə çıxışı genişləndirmək üçün əsas təşəbbüslər müzakirə olunub. Ən vacib mövzulardan biri isə AYİB-in Azərbaycanın davam edən yaşıl keçidinə dəstəyi idi.
-
Son vaxtlar Azərbaycanda bəzi ərzaq malları bahalaşıb. Bu, Dövlət Statistika Komitəsinin (DSK) bu gün, sentyabrın 11-də yaydığı məlumatda da əksini tapıb. Orada qeyd edilir ki, avqustda iyula nisbətən daha çox düyü, mal, qoyun əti, kolbasa məmulatları, kərə, zeytun yağları, soğan bahalaşıb.
Rəy yaz