Bir neçə gün əvvəl AZAL dövlət şirkəti Bakı Beynəlxalq Hava Limanında təhlükəsizlik tədbirlərinin gücləndirilməsi tədbirləri haqqında məlumat yayıb. Amma şirkət aeroport binasına sənədlərin və biletlərin girişdə yoxlanılmasından sonra yalnız səyahət edəcək insanların buraxılacağını açıqlamamışdı.
Gələn yolçuları qarşılayanlara gəlincə, onlar qonaqlarını bayırda qızğın günəş şüaları altında gözləməlidirlər.
Aeroport işçilərinin sözlərinə görə, bu yenilik İstanbul aeroportundakı terror aktından sonra tətbiq edilib. Aeroport işçilərindən birinin sözlərinə görə, bu məhdudiyyətlər bir ay davam edə bilər.
Amma aeroport və AZAL rəhbərliyi günəş altında yanan insanlar üçün heç bir şərait fikirləşməyib. Çıxışın qarşısında susuz, kölgəsiz, tualetsiz bir yerdə gənclər, yaşlılar və uşaqlar polis və aeroportun təhlükəsizlik xidmətinin mühasirəsində gözləməlidirlər.
Öz nailiyyətləri ilə öyünməyi sevən AZAL rəhbəri heç olmasa insanlar üçün çardaqlar və içməli su qoya bilməzdi?
Qeyd edək ki, aeroport ərazisinə girişdə polis gələn bütün avtomobilləri yoxlayır. -02В-
Cəmiyyət
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
-
Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
-
Azərbaycan Baş Prokurorluğu və Səhiyyə Nazirliyi birgə bəyanat yayaraq bildirib ki, ölkədə praktik tibb fəaliyyəti ilə məşğul olan plastik cərrahların peşə fəaliyyətinin qanuni əsaslarının yoxlanılmasına başlanılıb.
Rəy yaz