Putin Obamaya Qarabağ nizamlanması, Suriya və Donbass haqqında danışıb
İyulun 6-da Rusiya və ABŞ prezidentlərinin telefon danışığı olub. RF prezidentinin mətbuat xidmətinin məlumatına görə, Vladimir Putin ATƏT-in Minsk Qrupunun həmsdəri olan (Rusiya, ABŞ, Fransa) ölkənin başçısı kimi Barak Obamaya Dağlıq Qarabağ nizamlanması üzrə iyunun 20-də Sankt-Peterburqda Azərbaycan lideri İlham Əliyev və Ermənistan prezidenti Serj Sarkisyanla keçirilmiş üçtərəfli görüşün yekunları haqqında məlumat verib.
Putin qeyd edib ki, Rusiya danışıqları təşkil edərkən münaqişə zonasında vəziyyətin tezliklə stabilləşməsinə yardım göstərmək və sülh prosesində irəliləyiş üçün şərait yaratmaq zərurətinə əsaslanıb.
Barak Obama Rusiyanın göstərdiyi səylərə yüksək qiymət verib. ATƏT-in Minsk Qrupu çərçivəsində bu mühüm istiqamətdə birgə fəal işi davam etdirmək barədə razılığa gəlinib.
Suriyadakı vəziyyət haqqında danışarkən Vladimir Putin həmsöhbətini zəif Suriya müxalifətinin tezliklə “Cəbhət ən-Nüsra” terrorçu qruplaşmasından və barışıq rejiminin şamil olunmadığı digər ekstremistlərdən ayrılmasına şərait yaratmağa çağırıb. Hər iki tərəf Suriyada Rusiya və Amerika əməliyyatlarının hərbi xətti üzrə əlaqələndirməni gücləndirməyə hazır olduqlarını, habelə münaqişənin siyasi nizamlanmasına çıxış məqsədilə BMT-nin himayəsi altında danışıqlar prosesinin bərpasının əhəmiyyətini təsdiq ediblər.
Ukrayna mövzusunun müzakirəsi zamanı Rusiya prezidenti Kiyevin 12 fevral 2015-ci il tarixli Minsk razılaşmalarını, o cümlədən Donetsk və Luqanskla real birbaşa dialoq qurulması, amnistiya keçirilməsi, DXR və LXR-ə xüsusi status verilməsi, yerli seçkilər haqqında birgə qanun işlənib hazırlanması haqqında razılaşmaları qeyd-şərtsiz yerinə yetirməsinin əhəmiyyətini qeyd edib.
Siyasi nizamlama yolunun alternativsiz olduğu qeyd olunub. Atəşkəs rejiminin pozulması hallarının aradan qaldırılması üzrə işlərin fəallaşdırılması, ağır silahların çıxarılması haqqında razılaşmanın tam şəkildə yerinə yetirilməsi və münaqişə tərəflərinin ayrılması üzrə işləri fəallaşdırmaq zərurəti vurğulanıb. Bununla əlaqədar ATƏT-in Xüsusi Monitorinq Missiyasının rolu qeyd edilib. -02D-
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz