Bakı bulvarının ərazisi 16 kilometrə çatıb

Tikintisi başa çatdırılan “Bakı Ağ Şəhər bulvarı”nda basketbol, voleybol və iki futbol meydançası istifadəyə verilib.

Bütünlükdə isə yeni bulvar sahəsində 4 yeni meydança və açıq trenajor meydançası fəaliyyət göstərir. Paytaxt sakinləri və qonaqlar 16 kilometr sahəsi olan “Bakı Ağ Şəhər bulvarı”ndakı “Bulvar Hotel”dən başlayaraq “Baku Crystal Hall” və ətrafı da daxil olmaqla, Bayıl bulvarının sonunadək olan ərazidə istirahət edə bilərlər.

Bundan əlavə, bulvarda qatarların hərəkəti üçün daha bir marşrut xətti istifadəyə verilib. Qatarlar yeni marşrut xətti üzrə Bakı Ağ Şəhər bulvarındakı “Bulvar Hotel”in qarşısından Su İdman Sarayına qədər olan ərazidə 14 dayanacaqda dayanmaqla hərəkət edir. Bu marşrut üzrə hərəkət edən qatarlara minən şəxslər əlavə qatara minmədən bütün bulvar ərazisini görə bilirlər.-

Dənizkənarı bulvarın salınması 1909-cu ildə Bakı şəhər Duması tərəfindən qərara alınıb. İki il müddətində buraya kənardan münbit torpaq daşınıb, Azərbaycanın başqa bölgələrindən və hətta Avropadan belə müxtəlif nadir bitki növləri gətirilib əkilib.

XX əsrin 70-ci illərində Bakıda yaşıllaşdırma və abadlaşdırma işlərinin genişləndirilməsi nəticəsində Dənizkənarı bulvarda yenidənqurma işləri aparılıb. Bulvar şərq və qərb istiqamətlərində genişləndirilərək uzunluğu 3,7 kilometrə çatdırılıb.-05D-