Bakı Şəhər İcra Hakimiyyətinin əməkdaşları “Qasid” mətbuat yayım firmasının Səməd Vurğun küçəsi, 17-də yerləşən 57 saylı köşkünü qanunsuz olaraq götürüblər. Bu haqda Turan-a köşkün sahibi Kamran Hüseynov məlumat verib.
O qeyd edib ki, bu qanunsuz aksiyanı yerinə yetirənlərin hamısı Bakı Şəhər İcra Hakimiyyətinin adamlarıdı. Köşkü götürəndə hər hansı izahat verilməyib, sadəcə köşk sahibinə tövsiyə olunub ki, həbsə alınmadığı üçün Allaha dua etsin. Onlar K.Hüseynovun bakılı olduğunu biləndə “sizin vaxtınız keçib” deyərək sataşmağı da unutmayıblar. Köşkün götürülməsilə bağlı sahibinə dəyən ziyana görə hər hansı kompensasiya verilməyib. “Bütün yeni köşklər ancaq naxçıvanlılara verilir” deyən K.Hüseynov yeni köşklərlə bağlı kadr təyinatlarına da aydınlıq gətirib.
Buna qədərsə daha bir hadisə olub. Noyabrın 1-də 1 saylı məktəbin açılışına dövlət başçısı İlham Əliyevin gözlənilən gəlişilə bağlı Bakı Şəhər İcra Hakimiyyətinin nümayəndələri K.Hüseynova köşkü götürməyi tapşırıblar. Köşk sahibi buna əməl edib. Köşk köhnə olduğu üçün K.Hüseynov yeni köşk hazırlatdırıb, buna görə 4350 manat vəsait sərf edib. Norabrın 29-da yeni köşkü yerinə qoyduqda Bakı Şəhər İcra Hakimiyyətinin nümayəndələri K.Hüseynova bu imkanı verməyiblər.
Bu, “Qasid” firmasının köşklərinin götürülməsilə bağlı ilk hadisə deyil. Köşk sahibləri firma rəhbərliyinə şikayət etsələr də rəhbərlik əməkdaşlarının haqlarını qorumağa cəsarət göstərmir.-05B-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz