Time: Rusiya Azərbaycan vasitəsilə Suriyaya silah göndərir

Noyabrın 26-da Anonymous təşkilatının hakerləri Suriya XİN-dən oğurlanmış sənədləri açıqlayıblar. ProPublica nəşrinin məlumatına görə, sənədlərin birində deyilir ki, Moskvadan Dəməşqə bu yaxınlarda çap olunmuş 240 ton Suriya pulu daşınıb ki, Rusiya dövləti bunu rəsmən Əsəd rejimi üçün hazırlayır.  Digər bir sənəd təmir olunmuş dörd vertolyotun Moskvadan Suriyaya göndərilməsi məqsədilə uçuş planına bənzəyir. Sənədlərdə ingilis dilində “köhnə vertolyot əsaslı təmirdən sonra” kimi göstərilən yükə noyabrın 21-də bir, noyabrın 28-də iki daşınma daxil edilib, ikisi isə dekabrın birinci həftəsinə planlaşdırılıb. Sənədlərdən göründüyü kimi, yükə görə ödəniş nağd həyata keçirilib, marşrut Suriyaya silah daşınmasına embarqo qoyan ölkələrdən yan keçməklə İran, İraq və Azərbaycanın hava məkanından keçib. 

Aİ və Türkiyə Suriya təyyarələrinin öz ərazilərindən uçuşunu qadağan ediblər.  Bu, oktyabrda Ankara ilə Moskva arasında diplomatik münaqişəyə səbəb olub. Belə ki, Türkiyə qırıcıları Moskvadan Dəməşqə uçan təyyarəni yerə enməyə məcbur ediblər. Türklərin sayıqlığı rusları vadar edib ki, vertolyotların daşınması üçün yeni marşrut hazırlasınlar, Time yazır.

Bu məsələdə İranın mövqeyi aydın olduğu halda, Azərbaycanın antiqərb mövqeyi suallar doğurur. -02D-