Yerevanda keçirilən “Cənubi Qafqazda regional təhlükəsizliyin dinamikası” konfransında İsrailin Gürcüstan və Ermənistandakı keçmiş səfiri Baruh Ven Neriya ilə İranın Ermənistandakı səfirliyinin nümayəndəsi X.Cəfərirad arasında münaqişə yaranıb.
Ermənistan KİV-nin məlumatına görə, Ben Neriya bildirib ki, İsraillə region ölkələri arasında əməkdaşlığın canlanmasının səbəblərindən biri İrandan gələn təhlükədir. “İsrail İranın qonşuları ilə yaxşı münasibətləri təmin etməyə çalışır ki, İrana qarşı mübarizədə onları öz müttəfiqləri etsin”, - o vurğulayıb.
Sonra qeyd edib ki, İran region ölkələrinə, əsasən Azərbaycana hədə-qorxu gəlir. “İran Azərbaycanda vəziyyəti pozmağa, bu ölkədəki dünyəvi quruluşu dağıtmağa cəhd edir”, - o bildirib.
İsraillinin çıxışı iranlı nümayəndəni qəzəbləndirib. X. Cəfərirad “Ermənistanın bu cür adamları elmi konfranslara dəvət etməsinə” narazılığını bildirib.
O deyib ki, İran həm regionda, həm də dünyada sülh siyasəti yürüdür. “Biz dünya və region ölkələrinə dost münasibət bəsləyirik, heç kim üçün təhlükə törətmirik”, - o vurğulayıb. -02D-
Siyasət
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
Rəy yaz