Oktyabrın 4-də Bakıda “XXI əsr: Ümidlər və təhdidlər” mövzusunda beynəlxalq humanitar forum açılıb. Toplantıda dünyanın 70 ölkəsindən 694 nümayəndə iştirak edir. Onların sırasında çoxsaylı Nobel mükafatı laureatları, keçmiş prezidentlər, müxtəlif ölkələrin hökumət rəhbərləri, nazirləri, elm-təhsil və mədəniyyət sahəsində çalışan tanınmış dünya xadimləri var.
Forumda prezident İlham Əliyev iştirak edir. Açılış mərasimində Rusiya prezidenti Vladimir Putinin müraciəti, UNESCO-nun baş direktoru xanım İrina Bokovanın video müraciəti səslənib, İSESCO-nun baş direktoru Abdulaziz əl-Tüveycri çıxış edib.
Oktyabrın 5-də forum çərçivəsində “İqtisadi inkişaf modellərinin humanitar aspektləri”, “Müasir KİV və təhdidlər”, “XXI əsrdə qloballaşma proseslərinə yeni metodoloji yanaşmalar”, “Multikulturalizm və mədəni özünüdərk”, “Cəmiyyət həyatında multikulturalizm” mövzularında “dəyirmi masa”lar keçiriləcək.
Bakı Beynəlxalq Humanitar Forumu - qlobal xarakterli məsələlərə dair geniş spektrli dialoqlar, fikir mübadilələri və müzakirələr aparmaq məqsədi ilə hər il dünyada tanınmış xadimlərini bir araya toplayan tədbirdir. -03D-
Cəmiyyət
-
Çərşənbə günü paytaxtda hava dəyişkən olacaq. Səhər və axşam az yağış yağa bilər.
-
Bakıda keçirilən (11-22 noyabr) BMT İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasından (COP29) sonra Azərbaycanda bələdiyyə seçkilərinin vaxtının açıqlanacağı gözlənir. Mərkəzi Seçki Komissiyasının (MSK) sədri Məzahir Pənahov bugünlərdə bildirib ki, bələdiyyə seçkiləri yanvarın 25-dən sonra keçiriləcək.
-
Çərşənbə axşamı Bakıda hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi proqnozlaşdırılır. Gecə və səhər bəzi yerlərdə yağış yağacağı gözlənilir. Gecə yarımadanın ayrı-ayrı yerlərində qısamüddətli intensivləşəcəyi ehtimalı var. Cənub-qərb küləyi axşam şimal-qərb küləyi ilə əvəz olunacaq.
-
Bazar günü, noyabrın 17-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə arabir yağış yağacağı gözlənilir. Səhər yarımadanın ayrı-ayrı yerlərində qısamüddətli leysan xarakterli olacağı ehtimalı var. Arabir güclənən şimal-qərb küləyi gündüz mülayimləşəcək.
Rəy yaz