Bakıda iki narkokuryerdən 12 kiloqram heroin və marixuana götürülüb
Bakı/10.01.24/Turan: Narkotik maddələrin qanunsuz dövriyyəsinə qarşı mübarizə tədbirləri çərçivəsində polis Bakı sakini, əvvəllər mühakimə olunmuş Elçin Cəfərovu (1988-ci ildə anadan olub) saxlayıb.
Onun şəxsi "Toyota Prius" avtomobilinə baxış zamanı 10 kiloqram heroin götürülüb, Daxili İşlər Nazirliyinin mətbuat xidməti bildirib.
Cəfərov taksi xidməti adı altında narkotik maddələrin qanunsuz alverilə məşğul olub.
Xətai polisinin əməkdaşları Bakı sakini Ceyhun Abbasquliyevi də (1984-cü ildə anadan olub) saxlayıblar. Ondan 2 kiloqram marixuana götürülüb.
Saxlanılanların hər ikisi narkotik maddələri sosial şəbəkələr vasitəsilə əlaqə qurduqları İran vətəndaşlarından aldıqlarını deyiblər.
Elçin Cəfərov və Ceyhun Abbasquliyev narkotik maddələri paytaxtın müxtəlif yerlərindəki gizli yerlərdən götürərək pul müqabilində ayrı-ayrı şəxslərə çatdırıblar. Faktlarla bağlı cinayət işləri açılıb, əməliyyat-istintaq tədbirləri davam edir. – 05B06-
Cəmiyyət
-
Azercell-in korporativ müştəriləri üçün sənəd dövriyyəsi daha rahat, təhlükəsiz və sürətli oldu “Azercell Biznes” korporativ müştərilərinə göstərdiyi xidmətləri rəqəmsallaşdırmağa davam edir. Şirkət eyniadlı tətbiqinin imkanlarını genişləndirərək elektron sənəd dövriyyəsi üçün nəzərdə tutulan yeni həlli təqdim edir. Bu funksiya korporativ müştərilərə sənədləşmə prosesini daha çevik və rahat - rəqəmsal şəkildə həyata keçirmək imkanı verir. Belə ki, “Azercell Biznes” tətbiqi vasitəsilə sənədləri artıq kağız əsasında deyil, elektron şəkildə yaratmaq və imzalamaq mümkündür.
-
Çərşənbə günü Bakıda və Abşeronda gecə yağıntı gözlənilir, mülayim şimal-qərb küləyi əsəcək.
-
İnnovasiya və sürət lideri “Bakcell” ölkənin ilk rəqəmsal bankı “Birbank” ilə əməkdaşlıq çərçivəsində yeni “Birinci” tarif paketini təqdim edir.
-
BMT-nin 11-22 noyabrda Bakıda keçiriləcək iqlim konfransı (COP29) ərəfəsində Bakıya Çin istehsalı olan elektrik mühərrikli 160 avtobus gətirilib. Rəsmi məlumata görə, onlar üçün bütün lazımi cihaz və avadanlıqları olan avtobus parkı da yaradılıb. Noyabrın 2-də prezident İlham Əliyev həmin avtobus parkına baxış da keçirib.
Rəy yaz