Mingəçevirdə İranda azərbaycanlı fəalların həbsinə etiraz olaraq plakatlar yayılıb
Bakı/10.01.24/Turan: Azərbaycanın Mingəçevir şəhərində İran Azərbaycanında həbs edilən siyasi fəallara azadlıq tələb edən plakatlar yayılıb.
Cənubi Azərbaycanın Səsi nəşri X platformasında bildirib ki, İranda qanunsuz həbs edilən azərbaycanlı fəallara dəstək vərəqələri Mingəçevirdə yayılıb.
“Azərbaycanlı mülki şəxslər İran hakimiyyətini öz soydaşlarını azad etməyə çağırır”, - məlumatda qeyd edilir.
Beynalxalq medianın məlumatına görə, hazırda İranda yaşayan on milyonlarla azərbaycanlıların mədəni hüquqlarının bərpa olunması tələbi ilə etiraz edən onlarla insan həbsdədir.
İranda hüquq müdafiəçisi Məhsa Əminin 2022-ci il sentyabrın 16-da müəmmalı ölümündən sonra başlayan “hicaba etiraz hərəkatı” ilə əlaqəli də onlarla azərbaycanlı fəal həbs edilib. -03-
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz