Bir qrup Bakı sakini mülkiyyət hüquqlarının pozulması ilə bağı cümə axşamı RATİ-də mətbuat konfransı keçirib.
Yenicə açılmış “qış parkı” yaxınlığındakı bir sıra binaların sökülməsi nəzərdə tutulur. Bu söküntüyə qeyri-rəsmi olaraq Bakı şəhər meriyası rəhbərlik edir. Dilarə Əliyeva, 183 ünvanında yaşayan Solmaz Qafarova evlərinin sökülməməsi haqda 1 saylı Bakı şəhər İtisadi-İnzibati Məhkəməsinin qərardadı olduğunu deyib. Amma buna baxmayaraq, “söküntü rəhbəri” Zülfəli İsmayılovun məhkəmə qərarı olmasına məhəl qoymaması nəzərə çatdırılıb. S.Qafarova evinə Z.İsmayılov H.Abutalıbov kimi şəxslərin qiymət qoyması ilə razılaşmayaraq, ev sahibi kimi qiymət qoymaq haqqının ancaq özündə olduğunu bildirib. YAP-çı olan, iqtidara xidmət göstərdiyini deyən S.Qafarova yaşadığı əsəbilik şəraiti nəticəsində bir gözünün nurunu itirib, o biri gözü də cəmi 60% görür. Ailə evi boşaltmadığı üçün bir neçə nəfərlik oğru qrupu evə salınıb və evdən külli miqdarda oğurluq edilib.
Baxşıxanım Abbaslı da baş verənləri məmur özbaşınalığı və vətəndaşın cinayətkar qruplarla üz-üzə qalması kimi şərh edib. Baxmayaraq ki, B.Abbaslının yaşadığı D.Əliyeva 195-in sökülməməsi haqda məhkəmə qərardadı var. Yeri gəlmişkən, natiq “qış bulvarı” salınması nəticəsində nə az, nə çox, bu ətrafda 17 tarixi binanın söküldüyünü deyib. Bütün dünyada mülkiyyət hüququnun ilk yerdə dayandığını deyən B.Abbasova Azərbaycanda bunun son yerdə olmasına diqqət çəkir.
Viktor Matveyev 1959-cu ildən bu binada yaşadığını deyib. Başqa heç bir arzusu olmadığını, şəhərin mərkəzində, indi yaşadığı evin həcminə bərabər evlə təmin olunmasını istədiyini nəzərə çatdırıb.
Qonşuları ilə müqayisədə, Nüşabə Qurbanovanın durumu daha da ağırdır. Belə ki, evin həcmi az olduğu üçün verilən konspnsasiya ev almağa yetərli sayıla bilməz. Həyat yoldaşı yataq xəstəsidir. O, evlərini başlarına uçursalar belə mənzili tərk etmək niyyətində olmadığını bəyan edib.
Sürəyya Rəhimovanın evi Papanin küçəsində yerləşir. Burada söküntü işlərini kimlərin görməsi belə bəlli deyil. Öncə deyiblər ki, metro tikintisi üçün lazımdır. Sonra məlum olub ki, bu yer metroya aid deyil. Həmin evin yerində artıq istirahət otaqları tikilir.
Amma bütün sakinlər mülkiyyət hüquqlarının pozulması ilə bağlı məsələni mübahisələndirməkdə davam etməyi və lazım gələrsə bununla bağlı Avropa Məhkəməsinə kimi gedəcəklərini söyləyib. -05C
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz