Bir ayda ARDNF-nin xaricdə daşınmaz əmlak icarəsi i $1 mln-u keçib

Azərbaycan Respublikası Dövlət Neft Fondunun Rusiya və Britaniyada investisiya əmlakından gəlirləri 857 min manat ($1,1 mln) olub. Onlar ilin sonunda alındığı üçün bu, aylıq gəlirdir. ARDNF-nin illik hesabatında (http://www.oilfund.az/uploads/annual_2012az.pdf) bildirilir ki, "Qaleraya Aktyor" mərkəzinin icarəyə verilməsindən 234 min manat, Londonda ofisin icarəyə verilməsindən gəlirləri 623 min manat olub. Hər iki obyekt lizinqə verilib. 

Məlumata görə  (http://www.oilfund.az/uploads/Presentation-az_2013_07.pdf), investisiya portfeli dünyaya yayılıb. Avropa 56,2%, inkişaf etməkdə olan ölkələr 15,2%, Şimali Afrika 14,4% paya malikdir. 7,2% beynəlxalq maliyyə institutları,  6,4% Asiya və Okeaniya, 0,7% Yaxın Şərqin payına düşüb. 

Qısamüddətli qiymətli kağızlar 54%, 1-3 illik 33,3%, ortamüddətli QK 2,8% uzunmüddətlilər 1,8%-dir. Səhm, qızıl və daşınmaz əmlakın xüsusi çəkisi 8,1%-dir. 

Fond Asiya və Avstraliyaya xüsusi diqqət ayırır. Çin, Cənubi Koreya və Avstraliya daşınmaz əmlak obyektlərinə maraq göstərir. $1 mlrd məbləğində alış üçün qərar ilin II yarısında qəbul edilməlidir.

Ötən il Fond 177,35 mln funta Londonda (London's West End) ofis kompleksi və Parisadə 135 mln avroya daşınmaz əmlak kompleksi alıb. 

Moskvada Qaleraya Aktyor" ticarət-ofis mərkəzi $133 mln-a alınıb. İllik icarə gəliri $9,5 mln nəzərdə tutulub. --17D—