Bakı/28.09.19/Turan: Binəqədi-Novxanı avtomobil yolunun hərəkət hissəsi çöküb.
Bu barədə Turana Azərbaycan Avtomobil Yolları Dövlət Agentliyinin (AAYDA) mətbuat xidmətindən məlumat verilib.
Qurumdan bildirilib ki, çökməsinin səbəbi "Azərsu" ASC-ə məxsus su borusunda qəzanın baş verməsidir. "Qəzanın nəticəsində sözügüdən yolun hərəkət hissəsi 5 metr diametrində çöküb. Ərazi nəzarətə götürülüb, hərəkətin təhlükəsizliyinin təmin olunması üçün işlər aparılıb".
"Azərsu" ASC-də Turana məlumatı təsdiqləyərək, bildiriblər ki, qəzanın aradan qaldırılması üçün əraziyə qurumun əməkdaşları və texnikası cəlb olunub, qəzanın aradan qaldırılması üçün təmir-bərpa işləri aparılır.
Bu, Binəqədi-Novxanı yolunda ilk çokmə hadisəsi deyil.
2017-ci ilin avqustun 2-də prezident İlham Əliyevin yrnidən qurulan Binəqədi-Novxanı-Corat yolunun açılışında iştirak edib. Avqustun 17-də isə istifadəyə verilən Binəqədi-Novxanı avtomobil yolunun 11-ci kilometrində çökmə hadisəsi baş verib. Yolun çökməsinin səbəbi kimi su borusunun partlaması bildirildi.
2017-ci ilin aprelində Binəqədi-Novxanı avtomobil yolunda təmir işləri aparılıb.
Həmin ilin may ayında 14 km uzunluğunda olan Binəqədi-Novxanı-Corat avtomobil yolunun bir hissəsi yenidən qurularaq istifadəyə verilib. "Azəravtoyol" ASC-dən bildirilib ki, avtomobil yolunun 6,5 km-lik Binəqədi-Novxanı hissəsinin yenidən qurulması işləri artıq yekunlaşıb. Məlumata görə, sözügedən hissəsinin 80 min m2 sahəsinə 2 qat olmaqla yeni asfalt-beton örtük döşənib. Qeyd olunan ərazinin Binəqədi qəsəbəsindən keçən 1.2 km-lik hissəsində 1.5 metr enində yeni piyada səkiləri inşa edilib, yeni səki daşları düzülüb və işıq dirəkləri quraşdırılıb. Bundan öncə isə bu hissədə aidiyyəti qurum tərəfindən yeni su və kanalizasiya xətlərinin çəkilişi işləri aparılaraq yekunlaşdırılıb. -0-
Cəmiyyət
-
Dörd gün Qafqaz dağlarında olan Avstriyalı turist Markus Azərbaycanın İlisu kəndini tərk etdikdən sonra qaldığı evin sahibinə əsas təəssüratını - İlisuda zibillikdə plastik paketlər arasında otlayan inəyin şəklini göndərib.
-
Bu gün Bakıda xaricdə yaşayan azərbaycanlı alimlərin forumu açılıb. Azərbaycan Prezidentinin Administrasiyasının Humanitar siyasət, diaspora, multikulturalizm və dinlər departamentinin rəhbəri Fərəh Əliyeva forum iştirakçılarına Prezident İlham Əliyevin müraciətini təqdim edib.
-
Ötən həftə İtaliyada səfərdə olan Azərbaycan prezidenti İlham Əliyev ölkəsinin Avropa Şurası Parlament Assambleyası (AŞPA) ilə gərginləşən münasibətlərinin düzəlməsindən bəhs etdi. O dedi ki, AŞPA-nın bəzi üzvlərinin Azərbaycana səfərinə qoyulan qadağa ölkənin nümayəndə heyətinin bu təşkilata qayıtmasından sonra ləğv ediləcək: "Əgər qərarlarını dəyişib bizim haqqımızı bərpa etsələr, o zaman bu embarqo deyilən şey də aradan qaldırılacaq".
-
Ötən həftə sonu Sumqayıt Şəhər Polis İdarəsinin əməkdaşları narkotik vasitələrin qanunsuz dövriyyəsində şübhəli bilinən 1988-ci il təvəllüdlü Sakit Musayevi saxlayıb, xəbəri DİN-in mətbuat xidməti yayıb.
Rəy yaz