Turan informasiya agentliyinin nəlumatına görə,Türkiyə parlamentinin ikinci siyasi partiyası olan Cümhuriyyət Xalq Partiyası (CHP) İstanbulda "Suriyada sülhə açılan qapı" mövzusunda beynəlxalq konfrans təşkil edib.Dünyanın 20 ölkəsindən siyasətçilərin,diplomatların,QHT rəhbərlərinin ,bölgə üzrə mütəxəssislərin iştirak etdiyi konfransın açılışında çıxış edən İstanbul bələdiyyəsinin sədri Ekrem İmamoğlu, metropolun "Suriyalı qaçqınlar" problemi və onun həlli yolları barədə danışıb.
Qaçqınlar məsələsinin dünyanın hər yerində ölkələrə ağır maddi-mənəvi yük gətirdiyinə diqqəti cəlb edən Ekrem İmamoğlu, problemin tezliklə həll edilməsi üçün bələdiyyənin lazımi tədbirləri görməyə başladığını vurğulayıb.Ekrem İmamoğlu Suriyalı qaçqınların öz evlərinə qayıtmaları üçün beynəlxalq miqyaslı əməkdaşlıqların vacibliyindən bəhs edib.
Konfransda çıxış edən CHP sədri Kemal Kılıçdaroğlu Türkiyə hökumətinin Suriya siyasətini tənqid edərək "Bu konfrans xarici siyasətimizin yenidən "Yurdda sülh,cahanda sülh" prinsipinə qayıtması üçün hamının həsrətini çəkdiyi bir addımdır"- deyə vurğulayıb.
2011-ci ilin payızından bəri Suriya problemiylə bağlı CHP-nin etdiyi təşəbbüsləri xatırladan Kemal Kılıçdaroğlu, 2018-ci ildəki seçki bəyannaməsində Orta Şərq Ölkələri Birliyi qurulmasını təklif etdiklərini deyib.
"İlk mərhələdə Türkiyə,Suriya,İraq və İranın üzv olacağı Orta Şərq Ölkələri Birliyinə daha sonra dünya ölkələri də daxil olacaq.Bu isə bölgədə sülhün,dostluğun,mehriban qonşuluğun hakim olması deməkdir"- deyə sözlərinə davam edən Kemal Kılıçdaroğlu hökumətin regional siyasətinin kökündən dəyişməsinin lüzumundan danışıb.
Kemal Kılıçdaroğlu lideri olduğu partiyanın bu günə qədərki siyasətinin düz olduğunu və bundan sonrakı dönəmdə də eyni siyasəti davam etdirəcəklərini bildirib.
CHP lideri,Suriyanın yeni konstitusiyasının hazırlanması prosesində Ankara ilə Dəməşqin yaxından əməkdaşlıq etməsinin vaxtının gəldiyini vurğulayıb.
Çıxışında İdlibdəki vəziyyətə də toxunan Kemal Kılıçdaroğlu hökumətin Suriya ərazisində terrorizmə qarşı mübarizəsinə dəstək verdiklərini ancaq bu prosesdə Suriyanın ərazi bütövlüyünə xələl gəlməməsi üçün Dəməşq ilə birbaşa əlaqə yaradılmasının da qacınılmaz olduğunu deyib.
Ana müxalifətdəki CHP-nin lideri Suriya probleminin həll edilməsi üçün partiyasının hazırladığı 5 maddəlik təklifi oxuyub.Kemal Kılıçdaroğlu çıxışını Nazim Hikmətin sülhü vəsf edən bir şeiri ilə bitirib.
"Suriyada sülhə açılan qapı" mövzusundakı beynəlxalq konfrans diskussiya panelləri ilə davam edir.
Dünyada
-
Türkiyənin xarici işlər naziri Hakan Fidan və Suriyanın yeni administrasiyasının rəhbəri Əhməd Əl-Şara Dəməşqdə keçirilən danışıqlardan sonra birgə mətbuat konfransında Suriyada "yeni dövr" elan etdilər. Fidan Suriyanın ən qaranlıq günlərinin geridə qaldığını vurğuladı və inklüzivlik və suriyalıların qətiyyəti üzərində qurulmuş parlaq bir gələcək vəd etdi.
-
Yeni Gallup sorğusu göstərir ki, iki ildən çox davam edən Rusiya-Ukrayna müharibəsinin tezliklə həllini istəyən amerikalıların sayı artmaqdadır. Respondentlərin yarısı münaqişənin tez bir zamanda bitməsini dəstəklədiyini bildirib, hətta bu, Ukraynanın bütün itirilmiş ərazilərini geri qaytarmayacağı anlamına gəlsə belə. Bu rəqəm 2024-cü ilin martı ilə müqayisədə 7 faiz artım deməkdir. Oktyabr 2023-dən bəri tez həllə dəstək 43 faiz səviyyəsində sabit qalmışdı.
-
ABŞ-ın yüksək rütbəli diplomatları cümə günü Dəməşqdə Suriyanın yeni faktiki lideri Əhməd əl-Şaraa ilə görüş keçirdi. Görüş ölkənin siyasi keçidi müzakirə etmək məqsədilə təşkil olunmuş və "yaxşı" və "çox məhsuldar" kimi qiymətləndirilmişdir. ABŞ nümayəndə heyəti, həmçinin, əl-Şaraa-nın başına qoyulmuş 10 milyon dollarlıq mükafatın ləğv edildiyini elan edib.
-
İran qadınlar üçün daha sərt hicab tələbləri ilə bağlı mübahisəli yeni qanunun tətbiqini dayandırıb. Bir çox müşahidəçilərin fikrincə, bu qanun Mahsa Əmininin 2022-ci ildə ölümündən sonra baş verən kütləvi etirazlara bənzər hadisələri təkrarlaya bilərdi, yüksək rütbəli rəsmi bildirib.
Rəy yaz