'Məhbuslar çarmıxa çəkilir' iddiasını Penitensiar xidmət təkzib edir
Bakı/29.09.19/Turan: Penitensiar Xidmət (PX) 13 saylı cəzaçəkmə müəssisəsində məhbuslara işgəncə verilməsinə dair iddiaları təkzib edib.
" Nəinki 13 saylı cəzaçəkmə müəssisəsində, Penitensiar Xidmətin heç bir cəzaçəkmə müəssisəsində işgəncə faktı ola bilməz. Bu, çox absurd iddiadır", "Turan" agentliyinin xəbərinə görə, Penitensiar Xidmətin İctimaiyyətlə əlaqələr şöbəsinin rəisi Mehman Sadıqov bildirib.
Şöbə rəisi cazaçəkmə müəssisəində məhkumlara işgəncə verilməsi barədə yayılan məlumatları həqiqətəuyğun saymayıb.
Onun sözlərinə görə, hər bir cəzaçəkmə müəssisəsində "Qaynar Xətt" var. Mehman Sadıqovun vurğulamasına görə, işgəncəyə məruz qalan dustaq varsa, O, "Qaynar Xətt"lə nəinki Penitensiar Xidmətə, daha yuxarı instansiyalara da müraciət edə bilər:
"Ora gələn müraciətlər dərhal yoxlanılır. Yenə də qeyd etmək istəyirəm ki, Penitensiar Xidmətin heç bir cəzaçəkmə müəssisələrində işgəncədən söhbət gedə bilməz".
Bu günlərdə sosial şəbəkələrdə 13 saylı cəzaçəkmə müəssisəsinin rəisi Çingiz Yunisovun dustaqlara işgəncə verməsi ilə bağlı məlumatlar yayılmışdı.
Məlumatı keçmiş məhbus, gənc fəal İlkin Rüstəmzadə yaymışdı.
İlkin Rüstəmzadənin bildirməsinə görə, məhbus valideynləri ona deyiblər ki, 13 saylı cəzaçəkmə müəssisəsinin rəisi Çingiz Yunisov bəzi məhbuslara qarşı işkəncələrə başlayıb. Gənc fəal vurğulayıb ki, valideynlərin deməsinə görə, "karser"ə (cərimə otağı) salınan məhbusları lüt soyunduraraq bir-birinin üzərinə bağlayırlar. Hətta iddialara görə, dustaqlar orada bəzən təbii ehtiyaclarını bir-birlərinin üzərinə etməyə məcbur qoyulur:
"Bununla islah olunmayan məhbusları "karser"də qandalla asır və ya çarmıxa çəkir (həbsxana metoduyla)", deyə İ. Rüstmzadənin bildirməsinə görə, valideynlər iddia ediblər.-05D-
Cəmiyyət
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
-
Mayın 18-də Bakıda və Abşeronda yağıntılı tutqun hava şəraiti davam edəcək. Şimal-qərb küləyi əsəcək. Havanın temperaturu gecə müsbət 11+13, gündüz müsbət 15+19 dərəcə olacaq.
-
Turan İnformasiya Agentliyinin son araşdırmaları Azərbaycanda kanalizasiya sisteminin idarə olunması ilə bağlı narahatedici hüquqi pozuntuları və ekoloji təhdidləri üzə çıxarıb. Turan-ın dərc etdiyi üç məqalədə dövlət nəzarətindəki ciddi nöqsanlar işıqlandırılır ki, bu da kanalizasiya xətlərinin icazəsiz tikintisinə və təmizlənməmiş çirkab sularının Zaqulba və Buzovna çimərliklərinin yaxınlığında Xəzər dənizinə axıdılmasına səbəb olub.
Rəy yaz