![Bakıdakı köşklərlə bağlı iş üzrə məhkəmə prosesi başlayır](https://turan.az/resized/750/500/resize/media/2012/main/101800015264.jpg)
Bakıdakı köşklərlə bağlı iş üzrə məhkəmə prosesi başlayır
1 saylı Bakı İnzibati-İqtisad Məhkəməsində Turan İnformasiya Agentliyinin direktoru Mehman Əliyevin Bakı şəhər İcra Hakimiyyətinə qarşı iddiası üzrə məhkəmə prosesi 19 oktyabr saat 15.00-a təyin edilib.
İddia icra başçısı Hacıbala Abutalıbovun paytaxtda yeni “mətbuat köşklərinin” quraşdırılması ilə bağlı informasiya verməkdən imtina etməsi ilə əlaqəda “İnformasiya əldə etmək azadlığı haqqında” qanunun 24.1-ci maddəsi əsasında verilib.
Avqustun 28-də Abutalıbova göndərilmiş məktubda yeni köşklərin quraşdırılması prosedurunun qanunverici-normativ əsası, onların hüquqi sahibi, təyinatı üzrə istifadə olunmaması, onların fəaliyyəti nəticəsində çap nəşrlərinə iqtisadi ziyan vurulması haqqında suallara cavab vermək xahişi yer alıb.
Qanun pozuntusuna yol verərək, 20 gün sonra sorğuya Bakı şəhər İcra Hakimiyyətinin Ticarət və Xidmət Departamenti formal cavab verib. Məktubda qoyulmuş suallara cavab verilməyib, yalnız abadlıq və dövri mətbuatın satışının yaxşılaşdırılması məqsədilə köşklərin dəyişdirilməsinə bəraət verilib.
Yazışmadan əvvəl Hacıbala Abutalıbov paytaxtda mətbuatın pərakəndə yayılması problemi ilə bağlı KİV və jurnalist təşkilatları rəhbərləri ilə görüşdən yayınıb və onların yazılı müraciətinə cavab verməyib.
Bir müddət əvvəl, avqustun 15-də Abutalıbova Bakıda qəzet köşklərinin qanunsuz ləğvi və qəzetlərin pərakəndə satış şəbəkəsinin məhv edilməsi ilə bağlı vəziyyətin araşdırılması məqsədilə görüş xahişi ilə məktub göndərilib.
Məlum olduğu kimi, 2011-ci ilin sentyabrından etibarən Bakıda yeni mətbuat köşklərinin quraşdırılması prosesi başlayıb. Abutalıbov bu prosesi paytaxtın abadlaşdırılmasında növbəti addım kimi təqdim edib. Əslində köşklər spirtli içki, siqaret və ərzaq məhsullarının qanunsuz satışı ilə məşğul olurlar və qəsdən qəzet satışını məhdudlaşdırılar. Bu faktlar KİV və jurnalist təşkilatları rəhbərlərinin keçirdiyi monitorinqlər zamanı aşkarlanıb.
Məhkəmədə mətbuatın hüquqlarını Media Hüququ İnstitutunun vəkilləri müdafiə edəcək. -0-
-
- Mədəniyyət
- 18 Oktyabr 2012 17:00
-
- Siyasət
- 18 Oktyabr 2012 19:00
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz