Turizm və Mədəniyyət Nazirliyinin təşkilatçılığı ilə cümə axşamı Filarmoniya bağında IV kitab yarmarkası təşkil edilib.
“Qanun”, “Xəzər”, “Zərdabi LTD”, “Yaradılış Atlası” nəşriyyatları, “Biz Klub”, “Kitab Klubu”, “Nil” kitab mağazaları yarmarkada əsas iştirakçılar sırasında idi.
Yarmarkaya gələn 100-lərlə vətəndaş həm nəşriyyatların çap məhsullarını nəzərdən keçirir, həm də özünə lazım bildiyi kitabları alırdılar. Yarmarkada iştirakçı olan müəlliflər kitablara müəllif imzası atırdılar. Yarmarka bədii ədəbiyyatdan tərcümə ədəbiyyatına, xarici dillərin öyrənilməsi üçün tədris ədəbiyyatı və orta məktəblər üçün dərsliklərə kimi müxtəlif çeşid kitablarla zəngin idi.
“Qanun” nəşriyyatının rəhbəri Şahbaz Xuduoğlu kitab çapında müəyyən müsbət tendensiyalar olsa da, kitabın satışı sahəsində problemlər qaldığını bildirib. Onun sözlərinə görə, kitab oxucularının əksəriyyəti qadınlardır. Amma ölkədə qadın marağını tam əks etdirən ədəbiyyat hələ yaradılmayıb.
Kitab yarmarkasının məqsədi bir tərəfdən kitabı təbliğdirsə, digər tərəfdən yarmarka vasitəsilə vətəndaşları maarifləndirmək, onlar arasında kitab mütaliəsini gücləndirməkdir. Kitabın ən böyük mədəniyyət olduğunu deyən yarmarka təşkilatçıları ölkə vətəndaşları kitaba daha çox meyl etdikcə, ölkənin daha çox maariflənəcəyini önə çəkiblər.
Həm də bu ənənənin bundan sonra da davam etdiriləcəyi nəzərə çatdırılıb. -05C-
Mədəniyyət
-
Alen Delon, cazibədar görünüşü və maqnitik varlığı ilə Avropa kinosunu onilliklər ərzində müəyyənləşdirən Fransız kino ikonu, 88 yaşında vəfat edib. Övladları onun ölümünü bazar günü Agence France-Presse-ə verdikləri açıqlama ilə təsdiqləyib.
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
Rəy yaz