AR Nazirlər Kabineti 11 sentyabr 2000-ci ildən qüvvədə olan “Azərbaycan Respublikasında notarial hərəkətlərin aparılması qaydaları haqqında təlimat”a dəyişikliklər edilməsi haqqında sərəncam qəbul edib.
Dəyişikliklərə əsasən, əvvəllər qanunun 75-ci maddəsində avtomobildən istifadə hüququ üzrə uzunmüddətli baş etibarnamə (müddət göstərilməklə və notarial təsdiqlə 30 ilədək) nəzərdə tutulurdusa, indi birdəfəlik etibarnamə müddəti 1 illə məhdudlaşır. Yeni qayda bu il oktyabrın 1-dən qüvvəyə minəcək.
Baş etibarnamə avtomobili satmaq, qeydiyyata salmaq və hətta texniki parametrlərini dəyişmək hüququ verir. Bununla əlaqədar olaraq ekspertlər bunu məmurların korrupsiyası üçün növbəti vasitə hesab edirlər. Bu zaman dövlət xəzinəsi dolmayacaq.
Lakin Dövlət Avtomobil Müfəttişliyində bununla razılaşmayıblar. Belə ki, DİN Yol Polisi İdarəsinin rəisi Kamran Əliyevin sözlərinə görə, dəyişikliklər yalnız uzunmüddətli baş etibarnamələrə aiddir. Hazırda avtomobil alıcıları və satıcıları vergi ödəmir. İndi artıq onların alqı-satqını rəsmiləşdirmək üçün stimulu olacaq, deyə o, Turanın müxbirinə dəyişikliklərin mahiyyətini şərh edərkən bildirib.
Bundan başqa, şəxsi avtonəqliyyat vasitələrinin uçotunu aparmaq və digər problemləri həll etmək asanlaşacaq, deyə Əliyev bildirib. -17D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz