Baş Prokurorluq Gülənçilərə qarşı cinayət işinin başlandığını bildirib

Avqustun 15-də axşam Baş Prokurorluq ABŞ-da yaşayan türkiyəli din xadimi Fətullah Gülənin “tərəfdarları”na qarşı cinayət işinin başlanması barədə hökumətyönlü KİV-də yayılan məlumatı tsdiqləyib.

“Türkiyədə dövlət çevrilişinə cəhdin təşkilində ittiham olunan Fətullah Gülənin tərəfdarlarının Azərbaycan ərazisində qanunsuz hərəkətlərinin qarşısının alınması məqsədilə Baş Prokurorluğun Aır Cinayətlər üzrə İstintaq İdarəsində cinayət işi başlanılıb”, - Baş Prokurorluğun mətbuat xidmətinin rəhbəri Eldar Sultanov bildirib.

Onun sözlərinə görə, cinayət işi üzrə istintaq-əməliyyat tədbirləri həyata keçirilir.

E.Sultanov iş üzrə məsuliyyətə cəlb olunanlar və onlara qarşı irəli sürülən konkret ittihamlar barədə heç nə deməyib.

KİV Gülənin aktiv tərəfdarları arasında gənc fəal Elgiz Qəhrəmanovun adını çəkib. Avqustun 12-də o, qanunsuz narkotik maddə dövriyyəsində ittiham olunaraq həbs edilib.

“Gülən şəbəkəsi”nin əsas fiquru kimi AXCP lideri Əli Kərimlinin adı çəkilib.

Ə.Kərimli onun ünvanına ittihamları “sayıqlama” adlandıraraq xatırladıb ki, bundan öncə də onu şiələrin “Müsəlman Birliyi” Hərəkatı və “Hizbullah”, gah da sünnilərin “Əl-Kaeda” təşkilatı ilə əlaqələndirirdilər.

O bildirib ki, müxalifətin ünvanına ittihamlar Konstitusiyaya düzəlişlər barədə referendum əleyhinə qarşıdakı mitinqlə bağlıdır.—06D--