Prokurorluq Natiq Cəfərlinin təqsirsizlik prezumpsiyasını pozub – vəkil

Azərbaycan Baş Prokurorluğu “Respublikaçı Alternativ” (ReAl) hərəkatının icraçı katibi Natiq Cəfərlinin həbsi haqqında rəsmi məlumatda təqsirsizlik prezumpsiyasını pozub. Bu barədə Turan-a vəkil Cavad Cavadov bildirib.

Bu məlumatda Cəfərli cinayət əməlləri törətmiş şəxs kimi təqdim edilir. Vəkil qeyd edib ki, indiyədək məhbusun yanına buraxılmayıb və prokurorluğun Cəfərlinin “etirafedici” ifadələr verdiyi barədə iddialarını dəqiqləşdirməlidir.

Vəkil həmçinin qeyd edib ki, prokurorluq işlə bağlı məqamları kriminal bir şey kimi qələmə verməyə çalışır. Məsələn, Cəfərlinin qrant vəsaitlərini xərcləmək barədə sərəncamları. “Burada kriminal nə var axı?”, deyə vəkil bildirib.

O xatırladıb ki, prokurorluq və vergi işçiləri Cəfərlinin fəaliyyətini yoxlayıblar və 2014-cü ildə 456 manat verginin ödənilmədiyini müəyyən ediblər, həmin məbləğdə cəza tətbiq ediblər. Cəfərli bununla razılaşmayıb, amma yenə də sözügedən məbləği ödəyib.

Digər tərəfdən, Cəfərlinin 192.1-ci (qanunsuz sahibkarlıq) maddə ilə cəlb edildiyi cəza müddəti başa çatıb. CM-in yeni redaksiyasına görə Cəfərliyə ümumiyyətlə cinayət məsuliyyəti düşmür, deyə vəkil bildirib.

308.2-ci maddənin isə ümumiyyətlə Cəfərli ilə əlaqəsi yoxdur və onu ReAl katibinin məhkəmə istintaqına qədər həbsini əsaslandırmaq üçün tətbiq ediblər. -06D-