Üç aylıq fasilədən sonra dövlət əmlakının özəlləşdirilməsi bərpa olunur. Avqustun 13-də 65 dövlət obyekti və müəssisəsi özəlləşdirməyə çıxarılıb.
Bu gün Əmlak Məsələləri Dövlət Komitəsi bildirib ki, investorlara yeni imkanlar təqdim edilir.
İnvestorlara 25 SC, 2 qeyri-yaşayış sahəsi, Bakı və regionlarda 28 digər dövlət əmlak və obyekti, 10 nəqliyyat vasitəsi təklif edilir.
2000-ci ildən bəri ilk dəfə olaraq özəlləşdirilməyə çıxarılan müəssisə və obyektlər barədə məlumat həm Azərbaycan, həm də ingilis dillərində www.privatization.az portalı vasitəsilə təqdim edilir.
ƏMDK özəlləşdirilməyə çıxarılan müəssisələr barədə ətraflı məlumat hazırlayıb, qeyd olunan portalda foto-materialar yerləşdirib.
Komitə bildirir ki, qarşıdakı müddətdə özəlləşdirməyə daha bir neçə müəssisə çıxarılacaq. Bu hərracların yeniliyi odur ki, ora çıxarılan obyektlər inventar dəyərlə deyil, bazar dəyəri ilə qiymətləndirilib.
ƏMDK cəmiyyətə müraciət edərək özəlləşdirmə prosesində fəal iştiraka çağırıb.
Qeyd edək ki, hazırda Üçüncü Dövlət Özəlləşdirmə Proqramının hazırlanması üzərində iş gedir.
Fəaliyyətdəki proqram 2000-ci ilin avqust ayında qəbul edilib. 08D
İqtisadiyyat
-
Azərbaycanın Milli Məclisi çərşənbə günü keçirilən plenar iclasında Azəri-Çıraq-Günəşli (AÇG) neft-qaz yataqlar blokunun birgə işlənməsi haqqında sazişə ikinci əlavə və dəyişiklikləri ratifikasiya etdi. Qanun layihəsi Prezident İlham Əliyevin qanunvericilik təşəbbüsü kimi parlamentə təqdim edilmişdi.
-
Müstəqil Dövlətlər Birliyi (MDB) İqtisadi Şurasının 104-cü iclası Rusiyanın paytaxtında keçirilib. Üzv ölkələrin nümayəndələri iqtisadi əməkdaşlığın genişləndirilməsi və regional təşəbbüsləri müzakirə ediblər. Azərbaycan iclasda Baş nazirin birinci müavini Yaqub Eyyubov tərəfindən təmsil olunub.
-
Azərbaycan İnformasiya və Kommunikasiya Texnologiyaları Agentliyi (İKTA) 2024-cü ilin ilk yarısında internet və telekommunikasiya xidmətlərinin keyfiyyətində əhəmiyyətli irəliləyişlər olduğunu, bunun geniş qiymətləndirmə çərçivəsi və təkmilləşdirilmiş tənzimləyici tədbirlərlə təmin edildiyini bildirdi.
-
2024-cü ildə Azərbaycan Bolqariyaya qaz təchizatını iki dəfə artıracaq. Bolqariya bu qazı yalnız öz ehtiyacları üçün istifadə etməklə qalmayacaq, həm də qismən Balkan Qaz Mərkəzinə göndərəcək və SOCAR ilə razılaşma əsasında qonşularına müxtəlif həcmlərdə tranziti təşkil edəcək.
Rəy yaz