Bakı/23.04.20/Turan: Basta informasiya portalı növbəti dəfə haker hücumu ilə üzləşib. Bu haqda cümə axşamı saytın baş redaktoru Mustafa Hacıbəyli Turan-a məlumat verib.
"Dünən yenidən haker hücumu ilə üzləşdik, sayt dağıdılıb", deyə o bildirib.
Redaktor xatırladıb ki, yanvarın 31-də - parlament seçkilərinə 9 gün qalmış Basta saytı, saytın facebook səhifəsi, Müsavat Partiyası və onun başqanının facebook səhifələri eyni gündə ələ keçirilmişdi.
"Texniki heyyətimizin səylərindən sonra saytı və səhifəni bərpa etmək mümkün olmuşdu. Lakin dünən sayt yenidən dağıdıldı. Hesab edirik ki, bu, hakimiyyəti sifarişi ilə təşkil edilən hücumdur", deyə Hacıbəyli qeyd edib.
Xatırladaq ki, 2018-ci ilin iyulunda Gəncənin keçmiş icra başçısı Elmar Vəliyevə sui-qəsd və Mingəçevirdə elektrik enerjisinin kəsilməsi nəticəsində ölkənin işıqsız qalması ilə bağlı nəşrlərdən sonra Baş Prokurorluğun təşəbbüsü ilə digər resursla yanaşı, Bastainfo.com saytı da bağlanıb.
Bundan sonra sayt basta2.com domeni ilə fəaliyyətini davam etdirib.
Saytın redaktoru bu nəşrlərə görə cinayət məsuliyyətinə cəlb edilib. 2019-cu il fevralın 23-də Bakı Ağır Cinayətlər Məhkəməsi Hacıbəylini CM-in 309-cu (vəzifə səlahiyyətlərini aşma), 313-cü (vəzifə saxtakarlığı) və 281-ci (dövlət əleyhinə çağırışlar) maddələri ilə təqsirli bilib və 2 il sınaq müddəti olmaqla, 5 il 6 ay müddətinə azadlıqdan məhrumetmə cəzasına məhkum edib.
Beynəlxalq təşkilatlar məşhur jurnalistin təqibini pisləyib. -06D-
Cəmiyyət
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
Rəy yaz