Bakı/29.01.18/Turan: "Mütəxəssislərin apardıqları yoxlamalar nəticəsində Bayıl yamacındakı sürüşmə təhlükəsi olan ərazidə 103 ev müəyyən edilib". Bu barədə Səbail Rayon İcra Hakimiyyətinin ictimai-siyasi və humanitar məsələlər üzrə şöbəsinin müdir müavini İsrafil Kərimov bildirib.
Onun sözlərinə görə, buradakı evlərin 90%-ə qədəri 2000-ci ilə qədər olan dövrün, o cümlədən 25%-i ötən əsrin 60-70-ci illərinin tikililəridir. Son 3 ildə burada 4 mövcud tikiliyə əlavələr edilib və hər bir fakt barədə materiallar hüquq-mühafizə orqanlarına göndərilib, araşdırmalar gedir", deyə İ.Kərimov əlavə edib.
Rayon İcra Hakimiyyətinin təmsilçisi deyib ki, bir neçə evi çıxmaq şərti ilə, qalan evlər aztəminatlı insanlar və məcburi köçkünlər tərəfindən tikilən "gecəqondu"lardır, bütünlükdə ev tikintisi tələblərinə cavab vermir.
"Sürüşmə ilə bağlı araşdırmalara gəlincə, buradakı xarıcı mütəxəssislərin rəyinə görə, baş verən prosseslər daxili tektonik prosseslər olaraq, aktiv fazanın ilkin hissəsidir. Prosseslərin dərinləşməməsi üçün təkliflər paketi hazırlanaraq dövlət qurumlarına təqdim olunacaqdır".
İ.Kərimovun sözlərinə görə, bu rəylər bəzi qurumların sürüşməyə səbəb kimi tikinti və s. xarici amilləri göstərmə iddialarını alt-üst edir.
İ.Kərimovun sözlərinə görə, hazırda RİH-də yaradılan Qərargah üzvləri tərəfindən ərazidə aparılan araşdırmalar başa çatmaq üzrədir, yoxlamaların nəticələri ilə bağlı məsələyə hüquqi qiymət və ictimaiyyətə məlumat veriləcək, buradakı tikililərin gələcək taleyi isə huquqi müstəvidə həll olunacaq.
Xatırladaq ki, Bayıl yamacında sürüşmə bu ilin yanvarında aktiv fazaya keçib. Ekologiya və Təbii Sərvətlər Nazirliyi sürüşməyə səbəb kimi yağıntı miqdarının çox düşməsini və bir də burada aparılan tikinti işlərini göstərib. Eyni zamanda nazirlik sürüşmə zonası yaxınlındakı teleqüllənin hər hansı uçmaq təhlükəsi olmadığını bildirib.
Amma, yanvarın 24-dən etibarən sürüşmə zonasından olan 80 evin 390 sakini təhlükəsiz yerlərə, məktəblərə, sığınacaqlara köçürülüblər. -0-
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz