Oktyabrın 19-da Belçikada Qafqaz Müsəlmanları İdarəsinin (QMİ) sədri, şeyxülislam Allahşükür Paşazadəyə “Krans Montana” Forumunun medalının təqdim olunması mərasimi keçirilib. Bu xəbər Turan-a QMİ-nin mətbuat xidmətindən verilib.
A.Paşazadəyə medalı Jan de Lüksemburq təqdim edərək, şeyxülislamın sülhyaratma sahəsindəki xidmətlərinə görə medalla təltif olunduğunu vurğulayıb. A.Paşazadə mükafatı bütün Qafqaz möminlərinin xidmətlərinə verilən qiymət kimi dəyərləndirib. Forumun rəhbəri səfir Jan Pol Kalteron ilə təkbətək görüşdə A.Paşazadə mədəniyyətlərarası və dinlərarası dialoq sahəsində əməkdaşlığın perspektivlərini müzakirə edib.
Maraq çəkən budur ki, A.Paşazadə Forumun XV sessiyasına “xüsusi qonaq” qismində dəvət edilən yeganə dini lider idi. Sessiya oktyabrın 16-dan 19-na kimi davam edib. “Krans Montana” Forumunun qızıl medalı ilə fəaliyyətlərinə görə dünyada böyük nüfuz qazanan bir sıra şəxslər təltif ediliblər. -05D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz