Goranboy sakini Əfiqə Əliyeva cümə axşamı RATİ-də rayonun Xoylu kənd bələdiyyə sədrinin ailəsinə qarşı qanunsuz əməllərinə dair mətbuat konfransı keçirib.
2000-ci ildə ailəyə Xoylu kənd ərazisindən 1ha 5 sot torpaq ayrılıb. Sahə daşçınqıllı olub. Bu sahəni təmiziləyərək yararlı hala salıblar. Nə üçünsə kənd bələdiyyə sədri Adil İbrahimov ailəyə başqa pay torpağı tələb etməməklə bağlı iltizamnaməyə imza atdırıb. Əliyevlər ailəsi bu torpağa sahibliklərini təsdiqləyən sənədi ötən 12 il ərzində kənd bələdiyyəsindən ala bilməyiblər.
Üstəlik 2011-ci ildə Əlievlərə məxsus torpaq sahəsini üç hissə olmaqla Ağaəli İsmayılov, Yunis Xəlilov və Xasay Xəlilov adlı şəxslərə satıb. Ə.Əliyevanın sözlərinə görə, A.İbrahimov ailədən rüşvət isəyib, bu rüşvət verilmədiyi üçün bələdiyyə sədri torpağı qanunsuz olaraq başqalarına satıb. Ə.Əliyevanın atası məsələni aydınlaşdırmaq üçün Torpaq Komitəsinə gedib. Məlum olub ki, Əliyevlərin torpağa sahibliyini təsdiqləyən sənədlər komitərə göndərilməyib. Bələdiyyə sədri isə Əliyevlərin torpağı zəbt etmələri haqda sənəd hazırlayıb.
2012-ci ilin yayında A.İsmayılov, Yunisov və Xasay Xəlilovlar Əliyevlərə qarşı Goranboy məhkəməsində torpaqları zəbt etmələri adı ilə iddia qaldırıb. Əliyevlər də Gəncə İqtisadi-İnzibati Məhkəməsinə müraciət ediblər. Məhkəmə Əliyevlərin torpağa sahib olduqlarını təsdiqləyən qərar verib. Daha sonra iddiaçılar Gəncə Apellyasiya Məhkəməsinə müraciət ediblər. Məhkəmə adları çəkilən üç iddiaçının torpağa sahib olduqlarını təsdiq edən qərar verib. Məhkəmədə iştirak etmələrinə baxmayaraq, Əliyevlər ailəsinə torpaqla bağlı hər hansı sual verilməyib. Ə.Əliyevanın qardaşı, Qarabağ müharibəsi əlili Ətraf Əliyev kassasiya şikayəti verə bilmək üçün Apellyasiya Məhkəməsinin qərarını nə vaxt ala biləcəyini öyrənmək üçün məhkəməyə dönüb. Burada Ə.Əliyev, qardaşı və anası A.İbrahimovun zorakılığına məruz qalıblar. Tibb-ekspertiza İdarəsi xəsarətləri təsdiqləsə də xəsarətləri A.İbrahimovun yetirdiyi məlum olduqdan sonra rəy verməkdən imtina edib.
Əliyevlər kassasiya şikayətilə Ali Məhkəməyə müraciət edib. Noyabrın 21-də bu şikayətə baxılacağı gözlənilir. Əliyevlər ailəsi qeyd edib ki, məqsədləri bu mətbuat konfransı vasitəsilə ictimaiyyətin diqqətini özlərinə qarşı olan haqsızlıqlara yönəltməkdir.-05C-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz