Bəxtiyar Hacıyev
Bəxtiyar Hacıyev 37-ci sutkadır aclığı davam etdirir
Bakı/14.02.23/Turan: İctimai fəal Bəxtiyar Hacıyev 37-ci sutkadır aclığı davam etdirir. Bu barədə Turan-a fevralın 14-də Penitensiar Xidmətin müalicə müəssisəsində ona baş çəkən vəkil Fəxrəddin Mehdiyev bildirib.
"Bəxtiyar çox halsız idi, bütün bədənində şiddətli ağrıların olduğunu bildirdi. Arıqlamağa davam edir, hazırda 68,1 kiloqramdır (İstintaq Təcridxanasına gələndə 84,5 kiloqram olub).
Səhər analiz üçün qan nümunələri götürdülər, nəticələr hələ məlum deyil", - vəkil bildirib.
Onun sözlərinə görə, Hacıyev nəfəs almağın çətin olduğu çox dar otaqda saxlanmasından şikayətlənir.
Vəkil onu da deyib ki, o, həbsxananın hospitalında olarkən Hacıyevin yanına Beynəlxalq Qızıl Xaç Komitəsinin nümayəndələri gəliblər.
Onun sözlərinə görə, Hacıyev hələ də damcı yoluyla dərman qəbul etməkdən imtina edir və azad edilənə aclıq etmək niyyətindədir.
Bu gün Xətai məhkəməsində Hacıyevin ev dustaqlığına buraxılması barədə növbəti vəsatətə baxılacaq.
* Dekabrın 9-da Bəxtiyar Hacıyev xuliqanlıq və məhkəməyə hörmətsizlik ittihamı ilə saxlanılıb. Həmin gün Xətai Rayon Məhkəməsi onu 1 ay 20 gün həbs edib.
Dekabrın 15-də Hacıyev həbsdən azad olunması tələbilə aclıq elan edib. İctimaiyyət nümayəndələrinin və ailə üzvlərinin təkidli çağırışlarından sonra dekabrın 28-də axşam aclığı dayandırıb. Lakin Apellyasiya Məhkəməsi onun həbsilə bağlı şikayətini növbəti dəfə təmin etmədikdən sonra, yanvarın 9-da Bəxtiyar Hacıyev yenidən aclığa başlayıb.
Yanvarın 21-də məhkəmə Bəxtiyar Hacıyevin həbs müddətini daha 1 ay uzadıb.-B06-
Cəmiyyət
-
Polis əməkdaşları tərəfindən gizli sexdə saxta spirtli içkilər hazırlayaraq satış şəbəkəsi quran dəstə üzvlərinə qarşı əməliyyat keçirilib. Nəticədə Mikayıl Abbasov və onun rəhbərlik etdiyi dəstənin üzvləri Fərid Məmmədov, Fərid Haqverdiyev, Əhməd Mikayılov, Mehman Cəfərov və Nurlan Zamanov tutulublar. Bu barədə XİN-in mətbuat xidməti bildirib.
-
Azərbaycan səhiyyə sahəsində əhəmiyyətli bir addım atmağa hazırdır, belə ki, gələn ildən onkoloji xəstəliklərin müalicəsini icbari tibbi sığorta sisteminə daxil etməyi planlaşdırır.
-
Azərbaycanın Milli Hidrometeorologiya Xidməti meteoroloji hadisələr haqqında təxminlərdə rəng şkalasından istifadə edəcək. Bu barədə qurumun nümayəndələrinin bugünki mətbuat konfransında bildirilib.
-
Azərbaycanda bu il iki seçkinin keçiriləcəyi gözlənilir. Söhbət həm parlament, həm də bələdiyyə seçkilərindən gedir. Bələdiyyə seçkilərinin öz vaxtı elə bu ildir. Azərbaycanda sonuncu parlament seçkiləri isə dörd il əvvəl növbədənkənar (altı ay vaxtından əvvəl) keçirilib. Bu, hakim düşərgədə "islahatların sürətləndirilməsi" istəyi ilə izah edilib. Hərçənd, bəzi müxalifət partiyaları onu "seçkinin tez-tələsik saxtalaşdırılması" adlandırıb. Azərbaycanda parlament seçkiləri, qanunvericiliyə əsasən, beş ildən bir keçirilməlidir.
Ermənistandan gələn mesajlar sülh üçün ümid verirmi? – Elxan Şahinoğlu Çətin sualda
Xəbər lenti
-
- Böyük Şərq,
- 12:14
- 549
-
- Cəmiyyət,
- 12:05
- 427
Rəy yaz